Аԥыза-министр иҭахара иадҳәаланы иаанкылаз ирбаандаҩра аҿҳәара иацҵоуп

© Sputnik / Сария КварацхелияЗаседание сухумского городского суда по делу Хаджарата Тарсмана, арестованного по факту ДТП, в результате которого погиб премьер Абхазии Геннадий Гагулия
Заседание сухумского городского суда по делу Хаджарата Тарсмана, арестованного по факту ДТП, в результате которого погиб премьер Абхазии Геннадий Гагулия - Sputnik Аҧсны
Анапаҵаҩра
Аҟәатәи ақалақьтә ӡбарҭа ахәаԥшит иаанкылоу Ҳаџьараҭ Ҭарсман иус. Ҳаџьараҭ Ҭарсман даанкылоуп аԥыза-министр дахьҭахаз амҩатә машәыр иалахәра инадҳәаланы.

АҞӘА, абҵара 8— Sputnik, Сариа Кәарцхьиаԥҳа. Аҟәатәи ақалақьтә ӡбарҭа ахәаԥшит иаанкылоу Ҳаџьараҭ Ҭарсман иус. Ҭарсман ирбаандаҩра аҿҳәара иацҵоуп аҽа мызки жәохә мши.

Аԥсны аԥыза-министр Геннади Гагәылиа иԥсҭазаара далҵит Мысра ааигәара иҟалаз амҩатә машәыр иахҟьаны, цәыббрамза 8, асааҭ 23:10 рзы.

Шьараф Маршьан - Sputnik Аҧсны
Аҩыза изы ажəа: Шьараф Маршьан Геннади Гагәылиа изкны

Геннади Гагәылиа дызҭатәаз автомашьына Шәачатәи аҳаиртә баӷәазаҟынтәи Аԥсныҟа иаауаз аиҳабыратә кортеж иахәҭакын.

Ареспубликатә трасса 47-тәи акилометр, Блабырхәа ақыҭа ааигәара Аԥсны атәылауаҩ Ҳаџьараҭ Ҭарсман зыԥсҟы икыз амашьына Аԥсны Аминистрцәа Реилазаара иатәу Баҭал Бгьоу зыԥсҟы икыз, аԥыза-министр Геннади Гагәылиа дызҭатәаз автомашьына "Toyota Camry" иасит. Амашьынаҿ дыҟан иара убасгьы аҳәынҭқарратә ахьчаратә маҵзура аусзуҩ Алхас Џьениа.

Аԥыза-министр Геннади Гагәылиа дызҭаз автомашьына "Toyota Camry" ажра иҭаҳаит.

Геннади Гагәылиа иоуз аахақәа ирыхҟьаны иԥсҭазаара далҵит. Иҟалаз инадҳәаланы ашьаус хацыркын. Ҭарсман даанкылан.

Ажәабжьқәа зегьы
0