09:30 18 Нанҳәа 2019
Ишиашоу ицо аефир
  • USD66.00
  • EUR73.22

Аҟәа иаадыртуеит ашхәатә спорт ашкол

© Sputnik Илона Хварцкия
Аԥсны
Икьаҿу ахьарԥш аиура
68 0 0

Аҟәа иаадыртуа ашхәатә спорт ашкол аҿы аҽазыҟаҵарақәа мҩаԥыслоит ӡынгьы-ԥхынгьы.

АҞӘА, жәабран 6– Sputnik, Бадри Есиава. 2019 шықәса, ааԥынразы Аҟәа иаадыртуеит ашхәатә спорт ашкол ҳәа Sputnik иазааицҳаит ашкол аартра зыгәҭаку аӷбаҟаҵаҩ Леонид Черқьезиа.

"Сара аханатәгьы исыгәҭакын аҿар рзы ашхәатә спорт ашкол аартра, аха ашхәақәа рзы ахыбра аҟамзаара, урҭ ргыларҭа аҭыԥ аԥшаара ауадаҩра, иара аҟәрышьгьы азымхара ирыхҟьаны иахьанӡа ус сааиуан. Уажәы сҩызцәеи сареи иҳаӡбеит ҳагәҭакы наҳагӡарц. Ашхәақәа  "Оптимист", "Кадет", "Фин" ааҳхәеит", - ҳәа еиҭеиҳәоит иара.

Аӷбаҟаҵаҩ ишиҳәо ала "Оптимист" аҩыза ашхәахкы 14 шықәса рҟынӡа зхыҵуа ахәыҷқәа разыҟаҵара иазкуп, "Кадет" – ақәыԥшцәа рзы, "Фин" – адуцәа рзы.

"Кадетқәа" хәба ааҳхәеит. Урҭ ҿыцым азы уажәы реиҭашьақәыргылара ҳаҿуп. Ишахәҭоу иаҳзеиҿкаар асанаториа ПВО иахьаҵанакуа ашкол ааҳартуеит", - иҳәеит  Черқьезиа.

Ашхәатә спорт ала аҽазыҟаҵарақәа аԥхын есыҽны, асааҭ 9:00 инаркны 12:00 рзынӡа имҩаԥгахалоит, аӡын амш аҩбатәи ахәҭазы.

Ихадоу атемақәа

  • Аԥсуаа наџьнатә аахыс ирыман ажәаҳәара атрадициа дуқәа. Уи лымкаала рҵеицәа ирыларааӡон. Аԥсуаҭҵааратә институт аетнологиа аҟәша аҭҵаарадырратә усзуҩ Марина Барцыцԥҳа иҳадылгалоит ари аҟазара ҳажәлар рҿы знеишьас, чыдарақәас иамаз, иахьатәи аамҭазы тенденциас изну.

    33
  • Нестор Лакоба сасра дыззаауаз анхаҩ нага, зеиԥшыҟамыз ашәарыцаҩ, Бзыԥҭа аҳаблан ҳаҭыр ду зқәыз, зажәа ҟәышыз, ажәлар ззыӡырҩуаз, аха 37-тәи ашықәс еиқәаҵәақәа раан харада ахара зыдҵаны идырӡыз Маҳҭы Ислам-иԥа Бениа (Кьахьыриԥа) иҭоурых дазааҭгылеит иашьа иԥа имоҭа Беслан Бениа.

    170
  • Иҟоума даҽа ҳәынҭқаррак рхада ртәыла агәы злеисуа абызшәа изымдыруа? Далырхуама уи иҩыза, хшыҩла дкәадамзаргьы? Ауаажәларра рыбжьара агәынамӡара зызцәырнагаз акандидатцәа злахәыз аефиртә аамҭа аԥҟарақәа еиҭакрақәас ԥхьаҟа ирылагалатәузеи? Абарҭ азҵаарақәа дрылацәажәоит Sputnik аколумнист Елеонора Коӷониаԥҳа.

    56