16:22 16 Рашәара 2019
Ишиашоу ицо аефир
  • USD64.43
  • EUR72.70
Школа. Архивное фото

Аҵара аминистр ихаҭыԥуаҩ ашколқәеи ахәыҷбаҳчақәеи афымца арцәара ишазыҟаҵоу далацәажәеит

© Фото : МЧС Абхазии
Аԥсны
Икьаҿу ахьарԥш аиура
Аԥсны афымцалашара арцәара (15)
72 0 0

Аҵареи аҭҵаарадырреи рминистр ихаҭыԥуаҩ ареспублика ашколқәеи ахәыҷбаҳчақәеи афымца арцәара ишазыҟаҵаз атәы далацәажәеит.

АҞӘА, жәабран 20 – Sputnik, Бадраҟ Аҩӡба. Ареспублика аҵакыраҿы афымцалашара арцәара ашколқәеи ашколқәраҟынӡатәи аусҳәарҭақәеи нырра рнаҭом ҳәа лҳәеит Аҵареи аҭҵаарадырреи рминистр ихаҭыԥуаҩ Медеиа Ченгьелиаԥҳа.

"Ахәыҷбаҳчақәа зегьы адизельқәа рзықәгылоуп, афымцалашара аныцәалак аусура иалагоит", - ҳәа лҳәеит лара.

Ченгьелиаԥҳа лажәақәа рыла, агенераторқәа ахьықәгыламгьы х-сааҭктәи афымцарцәара нырра дук ҟанаҵом.

"Адәахьы макьаназы иԥхарроуп. Сык леир иҟаҳҵаша ҳазхәыцып. Ахәыҷбаҳчақәа рҿы иааиԥмырҟьаӡакәа аԥхарра ыҟоуп убри азы х-сааҭк нырра дук ҟарҵом", - ҳәа лҳәеит аминистр ихаҭыԥуаҩ.

Афатә акәзар афымца дырцәаанӡа иҟарҵоит.

"Ахәыҷқәа хәы ԥхада иаанхом. Афымца дырцәаанӡа ахәы ҟарҵоит. Уи адагьы адизельқәа ахьыҟам агаз балонқәа аархәеит", - лҳәоит Ченгелиаԥҳа.

ЕгрыГЕС зынӡа аусура аанкыламхарц азы Аԥсны иахьаҵанакуа  жәабран 20 инаркны афымцалашара дырцәалоит ҳәа аанацҳаит "Амшынеиқәафымцамч" апресс-маҵзура.

Жәабран 19, 2019 шықәса рзы иҟоу азыԥхьагәаҭарала ЕгрыГЕС хәажәкыра-мшаԥы амзақәа рзы 310 миллион киловатт-сааҭ афымцамч арҿиара алшоит. Убри аан Аԥсны афымцамч ахархәара 366 миллион киловатт-сааҭ итәоит. Адефицит 56 миллион киловатт-сааҭ шьақәнаргылоит ҳәа аҩуеит аиҿкаара апресс-маҵзура.

Атемақәа:
Аԥсны афымцалашара арцәара (15)

Атема ала

Афымцалашара аамҭа-аамҭала идырцәалоит жәабран 20 инаркны

Ихадоу атемақәа