16:02 20 Хәажәкыра 2019
Ишиашоу ицо аефир
  • USD64.28
  • EUR72.94
Батал Чежия

Баҭал Чежьиа Воронеж апрофессионалтә бокс ахәылԥаз аҿы дықәгылоит

© instagram/inal___l
Аԥсны
Икьаҿу ахьарԥш аиура
25 0 0

Апрофессионалтә бокс ахәылԥаз мҩаԥысраны иҟоуп Воронеж, хәажәкыра 3 рзы.

АҞӘА, жәабран 26 – Sputnik, Бадраҟ Аҩӡба. Воронеж, хәажәкыра 3 рзы Баҭал Чежьиа диндаҭлараны дыҟоуп Саид Мбелва. Абри атәы Sputnik иазеиҭеиҳәеит абоксиор ихаҭарнак Инал Лагәлаа.

"Баҭал дзындаҭло аспортсмен иҩаӡара ҳаракуп. Африкатәуп. Аринг аҿы 46 иааира игахьеит, 28-нтә даҵахахьеит, хәынтә еиҭарыла ихиркәшахьеит", - ҳәа еиҭеиҳәоит иара.

Лагәлаа иҳәеит аԥснытәи аспортсмен Москва, Андреи Бупаси Арсени Бабиаки рнапхгарала аҽазыҟаҵарақәа мҩаԥигоит ҳәа.

"Ҩымз ирықәуп аҽазыҟаҵарақәа мҩаԥызгоижьҭеи. Сызцықәгыло аԥышәа бзиа имоуп. Уажәы иара 80-тәи ақәгылара мҩаԥигоит. Ақәгылара аа-раундк рыла ишьақәгылоуп. Аҽазыҟаҵарақәа алҵшәа бзиа рыманы исшьоит. Аиааира схықәкуп", - ҳәа иҳәоит Баҭал Чежьиа.

Баҭал Чежьиа –ажурнал "Про Бокс" аверсиала ИАРи Аславиан тәылақәеи дырчемпионуп, 2017 шықәса рзы Анапа имҩаԥысуаз ашоу "Гладиаторы ринга" аҟны дииааит, Ростов-на-Дону ақалақь аҿы апрофессионалтә бокс ахәылԥаз далахәын, Москва иқәгылараан акамерун Даниел Нигата дииаиуеит.

Баҭал Чежьиа аа-қәгыларак мҩаԥигахьеит. Иқәгыларақәа зегьы рыҟны аиааира игеит.

 

Ихадоу атемақәа