09:38 24 Хәажәкыра 2019
Ишиашоу ицо аефир
  • USD63.77
  • EUR72.59
Амармалташьтә пты

Амармалташьтә пты аизгара иалагоит хәажәкыра 4 инаркны

CC BY 2.0 / Melissa McMasters / Brown stink bug
Аԥсны
Икьаҿу ахьарԥш аиура
16 0 0

Аԥсны ақыҭанхамҩа аминистрреи урыстәылатәи рколлегацәеи ааԥынтәи адгьылтә усурақәеи аԥырхага ҟазҵо ахәаҷа-маҷа ақәгареи ирызку азҵаарақәа рганахьала аилацәажәара мҩаԥыргоит.

АҞӘА, хәажәкыра 1 - Sputnik, Бадраҟ Аҩӡба. Амармалташь пты аизгара иалагоит хәажәкыра 4 инаркны иҳәеит ақыҭанхамҩа аминистр Амиран Какалиа аилацәажәараҿы.

"Амармалташьтә пты аизгара иалагараны иҟоуп Аԥсны араионқәа хԥа – Галтәи, Очамчыратәи, Тҟәарчалтәи араионқәа рҿы", - иҳәеит иара.

Абри ауснагӡатә ашьҭахь ахимиатә хәышәтәра мҩаԥгахоит.

Уи азы аминистрра иамоуп 30 инарзынаԥшуа ахәшәқәҭәагатә трактор, иара убасгьы абӷакыдҵа шәырақәа.

Жәабран 27 рзы Аԥсны аԥыза-министр Валери Бганба инапы аҵаиҩит ақыҭанхамҩа аԥырхага азҭо амармалташь пты иаҿагыланы ауснагӡатәқәа рымҩаԥгаразы аусшәҟәы. Уи инақәыршәаны, ақыҭанхамҩа анапы ианҵоуп аусутә гәыԥ аиҿкаареи ауааԥсыра аԥара рызшәареи рызҵаарақәа.

Уи адагьы, ишьақәыргылоуп кьылак амармалташьтә пты ахәԥса зықь мааҭ ақәҵазарц. Абри азы Ақыҭанхамҩа аминистрра 2019 шықәсазтәи абиуџьет иалаҵоуп быжь-миллионк мааҭ.

Краснодартәи атәылаҿацә ацитрусқәа рыхьчараҿы Аԥсны ацхыраара анаҭоит

Атәыла амассатә информациа ахархәагақәа рнапы ианҵоуп ауааԥсыра ирыладырҵәарц ари ажәабжь. Ауснагӡатә ахылаԥшра адуп ареспублика Ақыҭанхамҩа аминистрра.

 

Ихадоу атемақәа

  • Тото Аџьапуа

    Аԥсны Жәлар рартист, "Ахьӡ-Аԥша" аорден III аҩаӡареи Леон иордени занашьоу, Д.И. Гәлиа ихьӡ зху Аҳәынҭқарратә премиа алауреат, СССР Акомпозиторцәа реидгыла алахәыла Тото Аџьапуа 80 шықәса ихыҵит. Аҟазараҿы раԥхьатәи ишьаҿақәа игәаларшәо, иара дрыхцәажәеит аԥсуа ашәа агәыбылра изыркыз аҭагылазаашьеи ауааи, насгьы иҳәеит ҳаамҭазтәи аԥсуа ашәақәа рҵыхәала игәы иаанаго.

    53
  • Еркәыт Аӡынба

    Ҭырқәтәылантәи шықәсқәак раԥхьа зҭоурыхтә ԥсадгьыл ахь нхара ҳәа иааз Еркәыт Аӡынба игәҭахәыцрақәа.

    142
  • Анна Сангулия

    "Ашацәа изыршаз ала дымҩасит", "изыԥҵәоу аамҭа", "игәахәтәы дахьымӡеит" - абас рҳәоит аԥсуаа ауаҩы илахьынҵазы. Аԥсуаҭҵааратә институт аетнологиеи антропологиеи рыҟәша аҭҵаарадырратә усзуҩ, ААУ адоцент Марина Барцыцԥҳа дазааҭгылоит аԥсуаа ртрадициатә дунеидкылашьаҿы ауахҭа ишазыҟоу.

    62