06:44 22 Ԥхынгәы 2019
Ишиашоу ицо аефир
  • USD62.87
  • EUR70.79

Аԥсны жәларбжьаратәи атуристтә цәыргақәҵа MITT иалахәхоит

© Foto/ mitt
Аԥсны
Икьаҿу ахьарԥш аиура
49 0 0

Москватәи 26-тәи жәларбжьаратәи атуристә цәыргақәҵа MITT мҩаԥысраны иҟоуп хәажәкыра 12 - 14 рзы ацәыргақәҵатә  комплекс "Экспоцентр" аҿы.

АҞӘА, хәажәкыра 7 – Sputnik. Аԥсны алахәхараны иҟоуп Москватәи 26-тәи жәларбжьаратәи атуристә цәыргақәҵа - иҳәеит Sputnik аинтервиу азҭаз Аԥсны акурортқәеи атуризми рминистрра анализи, азыԥхьагәаҭареи, аҿиареи рыҟәша аиҳабы Адамыр Мықәба.

"Атуризм аганахь ала ари ацәыргақәҵа зегь раасҭа инарҭбаау акәны иҟоуп. Аԥсны ԥшьынтәуп уи ахы аланархәуеижьҭеи. Сынтәа иӡыраагоит асасааирҭақәа, аԥсшьарҭақәа, еиуеиԥшым атуристтә фирмақәа. Аԥснытәи астенд ахь еснагь аинтерес аадырԥшуеит. Сынтәагьы ус акәхап ҳәа ҳгәыӷуеит", - иҳәеит иара.

Адамыр Мықәба иазгәеиҭеит Аԥсны атуристтә цәыргақәҵа алахәра хра аманы ишыҟоу ҳтәылаҿы абри ахырхарҭа аҿаиаразы.

"Атуристтә цәыргақәҵаан атуристтә наплакқәа еиуеиԥшым аиқәшаҳаҭрақәеи аилаӡарақәеи напы рыҵарыҩуеит", - иҳәеит иара.

Арҭ аиқәшаҳаҭрақәеи аилаӡарақәеи ирылҵшәаны урыстәылантәи Аԥсныҟа атуристцәа раара еизҳауеит.

"Атуризм аԥснытәи Аидгыла" ахада Анна Калиагина иазгәалҭеит ацәыргақәҵа алахәхара иамоу аҵакы.

"Уаанӡатәи ацәыргақәҵаҿ ҳара ԥшь-сасааирҭак роуп ицәыраҳгаз", - лҳәеит лара иагьазгәалҭеит ареспублика асасааирҭақәеи аотельқәеи ринтерес акыр ишыҳаракыз MITT алахәылацәа рҟынтәи.

Москватәи Жәларбжьаратәи ацәыргақәҵа MITT иреиҳаӡоу атуризм азы ацәыргақәҵақәа ируакуп, жәларбжьаратәи аилазаараҟны ҳаҭыр аманы иахәаԥшуеит. Иара мҩаԥысуеит 1994 шықәса раахыс. MITT шьоуп Урыстәыла атуристтә индустриаҿы ихҭыс дуны. Есышықәса иара еизнагоит адунеи зегь аҟынтәи атуристтә бизнес ахаҭарнакцәа. Урҭ ара иӡырыргоит рыпрограмма ҿыцқәа, рхырхарҭа ҿыцқәа.

Ихадоу атемақәа