АҞӘА, хәажәкыра 19 – Sputnik, Бадраҟ Аҩӡба. Абокс азы Аԥсны ачемпионати аԥхьахәгареи мҩаԥысит Тҟәарчал хәажәкыра 16-17 рзы ҳәа ааицҳауеит Аԥсны абаҩрҵәыреи аспорти рзы аилак аспорттә ҟәша азҟаза Анзор Ҵәызба.
Турнирк аҳәаақәа арҭагӡаны ачемпионати аԥхьахәгареи рымҩаԥгара амзызқәа ртәы ҳаилиркааит иара.
"Ачемпионат мҩаԥысуеит 17-18 шықәса зхыҵуа рыбжьара, аха ари ақәра зықәроу аспортсменцәа маҷуп, аиҳарак ашкол ашьҭахь Урыстәылаҟа ицоит аҵараҵаразы. Ҳара еснагь арҭ аҩхырхарҭак еицымҩаԥаагоит, избанзар аԥхьахәгара алахәразы алшара роуеит 2003, 2006 шықәсқәа рзы ииз", - иҳәоит иара.
Атурнир хаҭабзиара ҳаракыла еиҿкаан. Тҟәарчалҟа инеит ареспублика зегь аҟынтәи аспортсменцәа. Ареспубликаҿы абокс аҿиара бзиа амоуп ҳәа азгәеиҭоит Ҵәызба.
"Абокс аҿиарамҩа уақәгәырӷьартә иҟоуп. Ирацәаҩуп уи знапы алаку. Аҿар еиуеиԥшым аиндаҭларақәа ирылахәуп, алҵшәақәагьы рымоуп", - иҳәоит иара.
Ииасыз ашықәс азы абокс азы Аԥсны ачемпионати аԥхьахәгареи мҩаԥысит Гәдоуҭа. Атурнир иалахәын 80-ҩык рҟынӡа аспортсменцәа.
Ҵурҵумиа еиҭеиҳәеит ҳтәыла аҩныҵҟа абокс иаԥсҭазаашьоу
Атурнир иалахәын - 2005-2006, 2003-2004, 2001-2002 шықәсқәа рзы ииз аспортсменцәа.
Еиҿнакааит Аԥсны абаҩрҵәыреи аспорти рзы аилак.
