19:36 18 Рашәара 2019
Ишиашоу ицо аефир
  • USD64.34
  • EUR72.23
Аԥсны иҟоу Аладатәи арратә округ аруаа аҽазыҟаҵарақәа раан

Урыстәылатәи аруаа аҽазыҟаҵарақәа мҩаԥыргеит

© Sputnik
Аԥсны
Икьаҿу ахьарԥш аиура
34 0 0

Аԥсны иҟоу Аладатәи арратә округ аруаа аҽазыҟаҵарақәа раан аҭыԥ аҭаԥшыхәреи "аӷа" иаарԥшреи рганахь ала анормативқәа аус рыдырулеит.

АҞӘА, мшаԥы 11 - Sputnik. Аԥсны иҟоу Аладатәи арратә округ аруаа атактикатә ҵара-зыҟаҵарақәа мҩаԥыргеит аполигон "Ҵабал" аҿы ҳәа ааицҳауеит Аладатәи арратә округ апресс-маҵзура аиҳабы, аполковник Вадим Астафьев.

Азыҟаҵарақәа раан 60 рҟынӡа усдҵа мҩаԥган быжькилометрак рҟынӡа ахьынабжьоу аҭыԥ аҿы иҟоу "аӷа" икәылӡтәы техникеи ршьаҟауааи рнырҵәаразы.

"Аӷа" иехсуан агаубицақәа Д-30и 120-миллиметра згәыцә ыҟоу аминометқәа "Сани" рыла. Артиллериа аҳасабтәқәа анапхгаратә пункт аҟынтәи иаашьҭыз акоординатқәа ириехсуан. Ихысцыԥхьаӡа артиллеристцәа рҭыԥ рыԥсахуан.

Акоординатқәа рганахь ала адыррақәа ҟарҵон аԥырҩы дызмам ахархәагақәеи аԥшыхәратә комплексқәеи, аимадара анапхгара КРУС "Стрелец" рҟынтәи.

Аҵара-ҽазыҟаҵарақәа ирылахәын 500-ҩык рҟынӡа аррамаҵзурауаа, 80 инареиҳаны арратә техника, ареактивтә системақәа "Градгьы" абрахь иналаҵаны.

 

Ихадоу атемақәа