21:27 18 Мшаԥы 2019
Ишиашоу ицо аефир
  • USD64.07
  • EUR72.24
жәлар ринструментқәа

Хәынцариа ихьӡ зху ансамбль агәыҳалалратә концерт мҩаԥнагоит

© Sputnik / Томас Тхайцук
Аԥсны
Икьаҿу ахьарԥш аиура
7 0 0

Оҭар Хәынцариа ихьӡ зху жәлар ринструментқәа рҳәынҭқарратә ансамбль агәыҳалалратә концерт мҩаԥысраны иҟоуп мшаԥы 25 рзы Аԥснытәи аҳәынҭқарратә филармониаҿ.

АҞӘА, мшаԥы 12 – Sputnik, Сариа Кәарацхьиаԥҳа. Оҭар Хәынцариа ихьӡ зху жәлар ринструментқәа рҳәынҭқарратә ансамбль афонд "Ашана" адгылара аҭаразы имҩаԥнагоит агәыҳалалратә концерт ҳәа Sputnik акорреспондент илзеиҭалҳәеит агәыҳалалратә фонд "Ашана"анапхгаҩы Мактина Џьынџьалԥҳа.

Аконцерт амҩаԥгара иаԥшьгамҭацәоуп аоркестр анапхгаҩцәа.

"Дара акрааҵуан агәыҳалалратә концерт мҩаԥыргарц рыгәҭакижьҭеи. Уи ҳара ҳзы акраҵанакуеит. Ҳаргьы абилеҭқәа рыларҵәараҿы ацхыраара аауеит", - ҳәа лҳәоит афонд анапхгаҩы.

Аконцерт иалахәхоит: Мадина Кәарацхьелиаԥҳаи Саида Агрԥҳаи. Ҟәбиана зҽаԥсазтәыз асахьаҭыхыҩ Светлана Казанцева аконцерт ахәаԥшыҩцәа рзы ҷыдала, Нарҭаа репос иазку аԥслымӡтә анимациа еиҿылкааит.

Оҭар Хәынцариа ихьӡ зху жәлар ринструментқәа рҳәынҭқарратә ансамбль агәыҳалалратә концерт мҩаԥысраны иҟоуп мшаԥы 25 асааҭ 18:00 рзы Аԥснытәи аҳәынҭқарратә филармониаҿ.

Ихадоу атемақәа