Гәдоуҭатәи авокалтә студиа "Унисон" Москватәи афестиваль аҿы Гран-при агеит

© Foto / Астанда ТарбаГәдоуҭатәи авокалтә студиа "Унисон"
Гәдоуҭатәи авокалтә студиа Унисон - Sputnik Аҧсны
Анапаҵаҩра
Актәи Жәларбжьаратәи аконкурс-фестиваль "Кремлевские звезды" мҩаԥысит Москва, апрель 13 - 14 рзы.

АҞӘА, мшаԥы 15 – Sputnik, Бадри Есиава. Гәдоуҭатәи авокалтә студиа "Унисон" аҵаҩцәа Гран-прии актәи аҭыԥқәеи ргеит Москватәи афестиваль аҿы ҳәа Sputnik изеиҭалҳәеит астудиа анапхгаҩы Асҭанда Ҭарԥҳа.

"Ҳастудиа ахьӡала афестиваль иалахәын ԥшьҩык аҭыԥҳацәа. Урҭ рҟынтәи хҩык - Николь Сангәлиаԥҳа, Софиа Арсалиаԥҳа, Алена Пимԥиаԥҳа актәи аҭыԥқәа ааныркылеит. Гран-при ланашьахеит Милана Гәынԥҳа", - лҳәоит арҵаҩы.

Лара иаҳзеиҭалҳәеит аԥснытәи авокалистцәа ҿарацәа афестиваль ралахәшьа шыҟалаз атәы: авокалтә студиа "Унисон" алахәылацәа Аҟәа имҩаԥысуаз аконкурс "Молодые голоса" аҟны актәи аҭыԥ ааныркылеит. Дара рбаҩхатәра азгәеиҭеит ажиури "Кремлевские звезды" иалахәу Нури Кәарҷиа. Ааԥхьарагьы риҭеит аконкурс ахь.

"Ҳара уи азы даара иҭабуп ҳәа иаҳҳәоит", - лҳәоит Ҭарԥҳа.

Авокалтә студиа "Унисон" аԥҵан 2015 шықәса рзы.

 

Ажәабжьқәа зегьы
0