Гагратәи абжьаратә школ №1 аргыларазы иазԥхьагәаҭаз аамҭа иақәшәоит

© Foto / Саида ЖибаГагратәи абжьаратә школ №1 аргылара
Гагратәи абжьаратә школ №1 аргылара - Sputnik Аҧсны
Анапаҵаҩра
Аинвестпрограмма инақәыршәаны ицо Гагратәи абжьаратә школ №1 аргылара иарбоу аамҭа иахыԥаӡом.

АҞӘА, мшаԥы 20 - Sputnik, Саида Жьиԥҳа. Ҩышықәса раахыс аинвестпрограмма инақәыршәаны шьаҭанкыла зыргылара нап арку Гагратәи абжьаратә школ №1 ҳазҭоу ашықәс азы ахархәарахь инашьҭхоит. Араҟа хаз-хазы иргылоуп аҵаратә процесс ахьымҩаԥысуа акорпусқәа ҩба, акттә зал, аспорттә зал. Аобиектқәа еиԥшьхоит иарку аиасырҭақәа рыла.

Аҵакыраҿы ицо аргылара иахылаԥшуа Ҭеимураз Ҷкотуа иажәақәа рыла, иахьазы ахыбрақәа рыҩнуҵҟа ахыркәшаратә усурақәа 90% мҩаԥгоуп.

"Аҵараҵара ахьымҩаԥысуа акорпусқәа рҟны 70 инарзынаԥшуа ауадақәа шьыхуп, аԥенџьырқәа аҭоуп, инхаз адашьма ақәҵареи, ашәқәа рҿаҵареи, амардуанқәа амаакырақәа рыҭареи роуп. Убас зехьынџьара инагоуп афымцатә цәаҳәақәеи, асантехникеи, ишьақәыргылоуп аҳауеиҭарсратәи амцаҽацәыхьчаратәи системақәа", - ҳаилиркааит иара.

© Foto / Саида ЖибаГагратәи абжьаратә школ №1 аргылара
Гагратәи абжьаратә школ №1 аргыларазы иазԥхьагәаҭаз аамҭа иақәшәоит - Sputnik Аҧсны
Гагратәи абжьаратә школ №1 аргылара

Гагратәи аԥсуа школ 700-ҩык ахәыҷқәа аднакылартә иҟалоит.

Ҩышықәса раахыс ари аобиект аҿы аус руеит зыҩаӡара ҳараку, Аԥсныи аҳәаанырцәи рыҟнытә анџьнырцәеи аргылаҩцәеи.

 

Ажәабжьқәа зегьы
0