Ҳаџьымба Шереметьево иҟалаз арыцҳара инамаданы Путин дидышшылеит

© Фото : пресс-служба президента АбхазииРауль Ҳаџьымба
Рауль Ҳаџьымба - Sputnik Аҧсны
Анапаҵаҩра
Аҵыхәтәантәи адыррақәа рыла аҳаиртә баӷәаза Шереметьево аҟны аҳаирплан Sukhoi Superjet 100 амцакра иахҟьаны иҭахеит 41-ҩык ауааԥсыра.

АҞӘА, лаҵара 6 - Sputnik. Аҧсны Аҳәынҭқарра Ахада Рауль Ҳаџьымба Шереметьево аҳаирбаҕәазаҟны иҟалаз арыцҳара иахҟьаны ауаа рҭахара инамаданы Урыстәылатәи Афедерациа Ахада Владимир Путин дидышшылеит. Абри атәы аанацҳауеит атәыла ахада иофициалтә саит.

Адышшылара атекст аҟны, ҷыдала, иҳәоуп:

"Гәалсра дула сшәыдышшылоит Шереметьево аҳаирбаҕәазаҟны SSJ-100 аҳаирплан аҭахара инамаданы. Лахьеиқәрала иҳадаҳкылеит иҟалаз арыцҳара иахҟьаны ауаа рҭахаразы иҳалаҩыз ажәабжь. Аҧсны жәлар рыхьӡала, хаҭала сара, ҳрыдышшылоит, рхьаа рыцеиҩаҳшоит ари авиакатастрофаҟны зыуацәа, зҭынхацәа ҭахаз".

Шереметьево - Sputnik Аҧсны
Шереметьево аҳаирплан амцакраан дҭахеит 41 пассаџьыр

Шереметьево апассаџьыртә ҳаирплан Sukhoi Superjet 100 Москва - Мурманск амца акит лаҵара 5 рзы. Уи 28 минуҭ аҳауа ишалаз, иаалырҟьаны иахьынтәишьҭыԥрааз аҳаирбаӷәаза "Шереметьево" ахь ихынҳәыр акәхеит. Аҳауатә ҭагылазаашьа иахҟьаны, ҩынтә атәарҭа иахыԥраауан. Иантәоз аҳаирплан ашьапқәа ԥҵәеит, аусаругақәа амца рыцралеит.

Аҵыхәтәантәи адыррақәа рыла, 78-ҩык апассаџьырцәа рахьтә 41 ҭахеит, 37-ҩык еиқәхеит, урҭ рахьтә 5-ҩык ахәышәтәырҭаҿы ишьҭоуп.

Иҟалаз авариа инамаданы ҩыџьа ма инареиҳаны ауааԥсыра рыԥсҭазаара ралҵра зыхҟьаз аҳаиртә транспорт ашәарҭадара аԥҟарақәа реилагаразы ашьаусҭҵаара хацыркуп.

Ажәабжьқәа зегьы
0