16:04 18 Ԥхынгәы 2019
Ишиашоу ицо аефир
  • USD62.83
  • EUR70.61
Восстановление кровли второй школы после пожара, 17 июня 2019

Иблыз аҟәатәи ашкол еиҭашьақәдыргылоит ахада ирезервтә фонд ала

© Sputnik / Томас Тхайцук
Аԥсны
Икьаҿу ахьарԥш аиура
14 0 0

Аҟәатәи абжьаратә школ №2 аҟны лаҵара 2 2019шықәса рзы амцакра ҟалеит.

АҞӘА, рашәара 25 - Sputnik, Бадри Есиава. Заанаҵтәи аинформациала Аԥсны ахада ирезервтә фонд аҟынтәи 70-75 миллион мааҭ нашьҭхоит абжьаратә школ №2 ахыб аиҭашьақәыргыларазы ҳәа иҳәеит Жәлар реизара аилатәараҿы афинансқәа рминистр Џьансыхә Нанба.

Жәлар реизара адепутатцәа ареспубликатә биуџьет аԥсахрақәа аларгалеит. Адокумент апунктқәа ируакуп арезерв фонд 350 миллион рҟынтәи 443 миллион мааҭ рахь ашьҭыхра.

Афинансқәа рминистр иажәақәа рыла ахада ирезервтә фонд аизырҳара ашкол №2 аиҭашьақәыргылара иазырхоуп.

"Ҳәарада 93 миллион мааҭ зегьы ашкол ацхыраарахь инашьҭхом. Ирацәоуп ҳапроблемақәа. Урҭ зегьы афинанстә ҵаҵӷәы рыҭатәуп", - иҳәеит иара.

Аԥсны ахада ирезервтә фонд аҟынтәи 70-75 миллион мааҭ нашьҭхоит абжьаратә школ №2 ахыб аиҭашьақәыргыларазы.

 

Ихадоу атемақәа