Аԥсны ААР Приднестровие-Молдавиатәи Ареспублика ААР иадныҳәалеит

© SputnikАԥсны ААР
Аԥсны ААР - Sputnik Аҧсны
Анапаҵаҩра
Цәыббра 2, 1990 шықәса рзы Тирасполь адепутатцәа ирыдыркылеит Приднестровие-Молдавиатәи Ареспублика ашьаҭаркразы Адекларациа.

АҞӘА, цәыббра 2 - Sputnik. Аԥсны Аҳәынҭқарра Адәныҟатәи аусқәа рминистрра Приднестровие-Молдавиатәи Ареспублика Адәныҟатәи аусқәа рминистр Витали Игнатиеви аминистрра аилазаареи рахь адныҳәаларатә шәҟәы нанашьҭит Ареспублика Амшныҳәа инадҳәаланы.

Аԥсны Адәныҟатәи аусқәа рминистр Даур Ақаҩба инапы зҵаҩу адныҳәаларатә шәҟәы аҿы иҳәоуп:

"1990 шықәса цәыббра 2 - ари аҭоурыхтә рыцхә Приднестровие ажәлар рзы акрызҵазкуа мшны иҟоуп. Ииасыз ашықәсқәа рзы Приднестровие акыр аизҳазыӷьара аиуит. Иарбанызаалак аҳәынҭқарразы ари аҩыза амш ажәлар аҭынчреи ахалахатәҳәаақәҵареи рзы ирымоу аҽазышәарақәа аазырԥшуа акәны иҟоуп. Иахьа Приднестровие иқәынхо ажәларқәа зегьы рхы иақәиҭны, ихьыԥшымкәа анхаразы рҭахра анагӡара аиуны иҟоуп", - ҳәа.

Ақаҩба иазгәеиҭеит Приднестровие ахатәы мҩа ишықәу, иҟоу ауадаҩрақәа ирхьымԥшкәа ԥхьаҟа ацара ишаҿу.

"Агәра аагоит Аԥсны Аҳәынҭқарреи Приднестровие-Молдавиатәи ареспубликеи ԥхьаҟагьы аиҩызаратә усеицура аиҵыхразы русура ишацырҵо. Наҟ-ааҟгьы ҳажәларқәа реинырра ҳинтересқәа ирықәшәо ҩашьара амам", - ҳәа аҳәоит адныҳәалара атекст аҿы.

Аԥсны Аҳәынҭқарра Приднестровие ахьыԥшымра азханаҵеит абҵара 17, 2006 шықәса рзы.

2008 шықәса рзы Приднестровие иаадыртит Аԥсны Аҳәынҭқарра аофициалтә хаҭарнакра.

Иара убас шәаԥхьар ҟалоит:

Ажәабжьқәа зегьы
0