АҞӘА, цәыббра 8 - Sputnik, Бадраҟ Аҩӡба. Аԥсны Ацентртә комиссиа хада адыррақәа рыла аҩбатәи атур аан асааҭ 12 рзы абжьыҭара иааихьеит 19% алхыҩцәа. Абри атәы аалыцҳаит АКХ апресс-маӡаныҟәгаҩ Елена Лабахәуаԥҳа.
Алхыҩцәа рсиа иануп 125 401-ҩык ауааԥсыра. Рыбжьы рҭихьеит 23 830-ҩык.
"Актәи атур иаҿурԥшуазар, еиҟароуп. Усҟан асааҭ 12 рзы рыбжьы рҭихьан - 19,27% ", - иҳәоит АКХ ахантәаҩы Ҭамаз Гогьиа.
Иара иажаәқәа рыла еилагара џьаргьы иазгәарымҭац. Иҟоу азҵаарқәа аҭыԥқәа рҿы идыриашоит.
Алхрақәа актәи ртур мҩаԥысит нанҳәа 25 рзы жәҩык акандидатцәа ралахәхарала.
Азакәан ишаҳәо ала 50% акандидатцәа аӡәгьы имоур аҩбатәи атур рылаҳәахон.
Аҩбатәи атур ахь инеиит Рауль Ҳаџьымбеи - 24,83%, Алхас Кәыҵниеи - 22,91%.
