Аԥсны ААР: алхрақәа раан иҟалар зылшо апровокациақәа аԥырҟәҟәаахоит

© Sputnik / Томас ТхайцукМинистр внутренних дел Гарри Аршба. Выборы президента Абхазии, второй тур
Министр внутренних дел Гарри Аршба. Выборы президента Абхазии, второй тур - Sputnik Аҧсны
Анапаҵаҩра
Алхрақәа аҩбатәи ртур аан азеинеиҿкаара иахылаԥшует аҩныҵҟатәи аусқәа рминистрра аусзуҩцәа 700-ҩык.

АҞӘА, цәыббра 8 - Sputnik, Бадраҟ Аҩӡба. Аԥсны аҩныҵҟатәи аусқәа рминистрра аусзуҩцәа 700-ҩык азыхиоуп алхрақәа раан иҟалар зылшо апровокациақәа раԥырҟәҟәаара ҳәа иҳәеит аминистр Гарри Аршба.

"Аҩныҵҟатәи аусқәа рминистрра аусзуҩцәа 700-ҩык азыхиоуп алхрақәа раан иҟалар зылшо апровокациақәа раԥырҟәҟәаара, ауааԥсыра ршәарҭадара аиҿкаара. Аминистрра аилазаара цәыббра 7 раахыс еиҳа ирӷәӷәоу арежим ахь русура ииагоуп", - иҳәеит аминистр.

Иара иажәақәа рыла уажәтәи аамҭанӡа Аԥсны иахьаҵанакуа иарбанызаалак еилагарак аҭыԥ амам.

Абжьыҭаразы азин рымоуп зықәра наӡахьоу Аԥсны атәылауаа зегьы, зжәытә тәылауаҩшәҟәқәа аҿыцқәа рыла изыԥсаххьоу.

Выборы президента Абхазии, второй тур - Sputnik Аҧсны
Аԥсны АКХ: алхыҩцәа абжьыҭарахь рнеира 19% артәоит

2019 шықәса рызтәи Аԥсны ахада иалхрақәа актәи ртур мҩаԥысит нанҳәа 25 рзы. Уи иалахәын ҳтәыла иҿыцӡоу аҭоурых аҟны алхрақәа ирылахәыз рахьтә зегь иреиҳахаз ахыԥхьаӡара - жәҩык акандидатцәа.

Урҭ рахьтә аиааиразы иаҭахыз 50% иреиҳаны абжьқәа аӡәгьы иахьимоуз азы, абжьыҭара аҩбатәи атур рылаҳәан.

Ҩынтәтәи абжьыҭараан абжьқәа реиҳарак зауз акандидат аиааира игеит ҳәа дрыԥхьаӡоит.

Убри аан алхрақәа рхы рыладырхәроуп алхыҩцәа рсиақәа ирну 25% иреиҵамкәа атәылауаа. "Зегьы ирҿагылоу" аграфа абжьқәа реиҳарак аиур, алхрақәа зышьақәымгылеит ҳәа рыларҳәоит.

Ажәабжьқәа зегьы
0