Урыстәылатәи ақалақьқәа жәаба: ансамбль "Кавказ" агастрольқәа рымоуп

© Sputnik / Томас Тхайцук Sputnik / Амедиаҵәахырҭахь аиасраКандид Ҭарба ихьӡ зху Жәлар рыкәашара Аҳәынҭқарратә ансамбль "Кавказ"
Кандид Ҭарба ихьӡ зху Жәлар рыкәашара Аҳәынҭқарратә ансамбль Кавказ  - Sputnik Аҧсны
Анапаҵаҩра
Кандид Ҭарба ихьӡ зху Жәлар рыкәашара Аҳәынҭқарратә ансамбль "Кавказ" Урыстәылатәи агастрольқәа хацнаркит цәыббра 18 рзы. Агастрольқәа хыркәшахоит жьҭаара агәазы.

АҞӘА, цәыббра 20 - Sputnik, Бадри Есиава. Ансамбль "Кавказ" агастрольтә программа аҳәаақәа ирҭагӡаны ирҭаараны иҟоуп атомтә станциақәа ахьыҟоу урыстәылатәи ақалақьқәа жәаба ҳәа Sputnik Аԥсны акорреспондент изеиҭеиҳәеит ансамбль анапхгаҩы Арвелод Ҭарба.

Икәашоит Кавказ - Sputnik Аҧсны
Икәашоит "Кавказ"

"Атомтә станциақәа ахьыҟоу ақалақьқәа ҳарҭаараны ҳаҟоуп. Арҭ ақалақьқәа рҿы аконцертқәа мҩаԥаагарц дҳаҳәеит ҳџьынџьуаҩ, "Росэнергоатом" адиректор хада ихаҭыԥуаҩ Џьумбер Тҟьебучаа. Ҳара изныкымкәа аконцертқәа мҩаԥаагахьан Пицунда, аԥсшьарҭаҩны "Литфонд" аҿы аилахәыра аусзуҩцәа уа рыԥсшьараан. Знык иҳахәаԥшыз еиҭахгьы ҳбара иазгәышьит", - азгәеиҭеит Ҭарба.

Кандид Ҭарба ихьӡ зху Жәлар рыкәашара Аҳәынҭқарратә ансамбль "Кавказ" Урыстәылатәи агастрольқәа раԥхьатәи аконцерт мҩаԥысит Воронеж, цәыббра 18 рзы. Аԥснытәи аколлектив ықәгылараны иҟоуп иара убасгьы Мурманск, Курчатов, Иасногорск, Екатеринбург.

"Кавказ" аконцерттә программа 12 номер рыла ишьақәгылоуп. Аконцерт аамҭала сааҭки бжаки имҩаԥысуеит.

Арвелод Ҭарба иажәаәқа рыла урыстәылатәи ахәаԥшыҩцәа аколлектив еснагь напеинҟьарыла ирыдыркылоит.

Иара убас шәаԥхьар ҟалоит:

Ажәабжьқәа зегьы
0