Аԥснытәи аспортсменцәа Урыстәылазегьтәи атурнир аҟны аԥыжәара ргеит

© Foto / Нико СааковБоксеры из Абхазии победили на турнире в России
Боксеры из Абхазии победили на турнире в России - Sputnik Аҧсны
Анапаҵаҩра
Сават (франциатәи абокс-аред.) азы Урыстәылазегьтәи атурнир "Серебряная перчатка" мҩаԥысит Санкт-Петербург абҵара 15- 17 рзы.

АҞӘА, абҵара 18 – Sputnik, Бадри Есиава. 9-14 шықәса зхыҵуа аԥснытәи аспортсменцәа Сават (франциатәи абокс-аред.) азы Урыстәылазегьтәи атурнир "Серебряная перчатка" аҟны аиааира ргеит, абри атәы еиҭеиҳәоит сават азы Аԥснытәи Афедерациа аиҳабы, азыҟаҵаҩ Нико Сааков.

Ареспублика ахьӡала атурнир иалахәын жәҩык арԥарацәеи аҭыԥҳацәеи. Урҭ рҟынтәи фҩык актәии ахԥатәии аҭыԥқәа ныркылеит.

Гагра араион аҟны сават аспорт хкы аҿиара иаҿуп - Sputnik Аҧсны
Гагра араион аҟны сават аспорт хкы аҿиара иаҿуп

"Алиас Ажьибеи Елина Беиаԥҳаи "ахьы" ргеит, "аџьаз" рҽаԥсартәит Алмас Ажьиба, Федор Седов, Валериа Дашьиан, Кристина Беиаԥҳа. Ақәгыларақәа ҳшазыԥшыз аасҭа еиӷьны имҩаԥысит. Ҳаспортсменцәа азыҟаҵара бзиа шрымаз зегьы еицгәарҭеит", - иҳәеит Сааков.

"Ахьы" зауз ироуеит алшара сават азы Урыстәыла ачемпионат алахәхара 2020 шықәса рзы. "Аразни аџьази" зауз – Урыстәыла Ахраҿа иалахәхоит.

Сават азы Аԥснытәи Афедерациа шықәсык аԥхьа аусура иалагеит. Иахьазы ареспубликаҿ аус руеит ашколқәа ԥшьба. Арахь иныҟәоит 70-ҩык рҟынӡа аспортсменцәа ҿарацәа.

Абри аамҭала Афедерациа Урыстәылазегьтәи афедерациатә хеилак иалахәхеит. Уажәы Жәларбжьаратәи афедерациатә хеилак алахәхара рыгәҭакуп.

Сааков иажәақәа рыла франциатәи абокс кикбоксинг еиҳа иазааигәоуп абокс аасҭа.

Урыстәылазегьтәи атурнир "Серебряная перчатка" иалахәын 300-ҩык инарзынаԥшуа аспортсменцәа.

© Foto / Нико СааковБоксеры из Абхазии победили на турнире в России
Аԥснытәи аспортсменцәа Урыстәылазегьтәи атурнир аҟны аԥыжәара ргеит - Sputnik Аҧсны
Боксеры из Абхазии победили на турнире в России
Ажәабжьқәа зегьы
0