АҞӘА, ажьырныҳәа 9 - Sputnik. Ахада Иусбарҭа иажәлаз аҩныҵҟа иҩналеит ҳәа аҭыԥ аҟынтәи иааицҳауеит Sputnik акорреспондент.
Ахыбра иажәлеит асааҭ 13:00 рзы. Ахыбра ашәқәеи аԥенџьырқәеи ԥҽуп.
Иахьа, ажьырныҳәа 9 рзы Аԥсны Иреиҳаӡоу аӡбарҭаҿ аилатәара хацнаркит ахашшааратә инстанциа Алхас Кәыҵниа ишшыԥхьыӡ аганахь ала.
Аилатәара далахәуп – Алхас Кәыҵниа.
Азашшҩы иинтересқәа лыхьчоит адукат Инга Габилаиаԥҳа, аҭакҟаҵаҩ иинтересқәа рыхьчоит азиндырыҩ Гиви Габниа, адукат Марина Ҭаниаԥҳа, адукат Кристина Габелиаԥҳа, азиндырыҩ Дмитри Шамба.
Ахашшааратә комиссиа иалахәуп аӡбаҩцәа: Темур Ҭарба, Роман Кәарҷиа, Лиа Адлеиаԥҳба.
Аӡбарҭа ахыбра рыхьчоит СОБРаа.
Цәыббра 8 рзы Аԥсны имҩаԥысит атәыла ахада иалхразы аҩбатәи атур. Аԥсны алхратә комиссиа хада аихшьаалақәа рыла иҳаҩсыз алхрақәа раан Рауль Ҳаџьымба 47,39% алхыҩцәа рыбжьы ирҭеит, аоппозициатә партиа "Амцахара" аԥхьагыла Алхас Кәыҵниа - 46,17%.
Цәыббра 11 рзы Кәыҵниа Алхратә комиссиа хада дазашшит. Цәыббра 20 рзы Иреиҳаӡоу аӡбарҭа Кәыҵниа ишшыԥхьыӡ ахәаԥшра мап ацәнакит.
Жьҭаара 7 рзы Кәыҵниа Иреиҳаӡоу аӡбарҭа аӡбра дахашшаауа ахашшааратә шшыԥхьыӡ ҟаиҵеит.
Иара убас шәаԥхьар ҟалоит:
- Атәыла ахада Иусбарҭа ақәлара: Аҟәа имҩаԥысуа амитинг аҟнытә акадрқәа
