Афымцамч аамҭала аанкылара аграфик шьақәдыргылеит

CC0 / / Афымцамч аамҭала аанкылара аграфик шьақәдыргылеит
Афымцамч аамҭала аанкылара аграфик шьақәдыргылеит - Sputnik Аҧсны
Анапаҵаҩра
Аҽгәара ақыҭан авольтҳарак цәаҳәақәа аидара раҵгаразы афымцалашара арцәара аамҭалатәи аграфик шьақәырӷәӷәоуп ҳәа аанацҳауеит "Амшынеиқәафымцамч".

АҞӘА, ажьырныҳәа 24 – Sputnik. Ареспубликатә унитартә наплакы "Амшынеиқәафымцамч" аграфик шаланагало азы аиҿкаара апресс-маҵзура адырра ҟанаҵеит.

"Авольтҳарак цәаҳәақәа ахьыҟоу Аҽгәара (аноминал - 690А , аидара иаша - 869А), Шешелети-1 (аноминал - 520А, аидара иаша - 615А) аидара  раҵгаразы ареспублика иахьаҵанакуа афымцалашара арцәара аамҭалатәи аграфик шьақәырӷәӷәоуп", - ҳәа аанацҳауеит "Амшынеиқәафымцамч".

Афымцамч аӡын Аԥсныҟа аашьҭра азҵаара иалацәажәеит аԥсуеи аурыси ганқәа - Sputnik Аҧсны
Афымцамч аӡын Аԥсныҟа аашьҭра азҵаара иалацәажәеит аԥсуеи аурыси ганқәа

Ажьырныҳәа 23 инаркны аграфик:

• 18:00-19:00 - астанциа маҷ (ПС) Мҵара, ПС Дәрыԥшь, ВЛ Гагра, ПС Мықә, ПС Кәачара.

• 19:00-20:00 - ПС Мысра, ПС Лыхны, ВЛ Пицунда, ПС Аӡҩыбжьа.

• 20:00-21:00 - (ВЛ) Алаҳаӡыхь, ПС Гәдоуҭа, Гагра-2.

• 21:00-22:00 - ПС Афон Ҿыц, ПС Гагра-3, ПС Очамчыра.

Ажьырныҳәа 22 рзы Аԥсны Аекономика аминистрраҿы имҩаԥысит Аԥсны Аҳәынҭқарреи Урыстәылатәи Афедерациеи рыбжьара асоциал-економикатә зҵаарақәа рзы аусутә еилацәажәара.

Аԥсны Аекономика аминистр Адгәыр Арӡынба Нхыҵ Кавказ аусқәа рзы аминистр ихаҭыԥуаҩ Игор Кошин иԥылараан аӡынтәи аамҭазы афымцамч Урыстәылантәи Аԥсныҟа аашьҭра азҵаарагьы иалацәажәан. Ари азҵаара ацәырҵра адҳәалоуп Џьуартәи аӡеизакырҭаҿы аӡы алаҟәра.

Иара убас шәаԥхьар ҟалоит:

Ажәабжьқәа зегьы
0