ДЦП змоу Cаид Сергьегьиа аоперациа изутәуп

© SputnikСаид Сергегия
Саид Сергегия - Sputnik Аҧсны
Анапаҵаҩра
Жә-шықәса зхыҵуа Саиду Сергьегьиа ДЦП имоуп. Иара иныҟәара алшахарц азы хара имгакәа аоперациа изутәуп, изеизгатәуп 232 000 мааҭ.

Сариа Кәарцхьиаԥҳа, Sputnik

Саид Сергьегьиа шықәсык анихыҵуаз ДЦП имоуп ҳәа адиагноз изықәдыргылеит. Саид ишьапаҵақәа рыҩбагьы еицаԥоуп, дызныҟәаӡом.

Сонер Гогуа - Sputnik Аҧсны
Арадио
Гогәуа Гагра ареабилитациатә центр аартразы: иааиуа ашықәс азы ҳгәы иҭоуп

"Аԥхьанатә ак идубало дыҟамызт. Ианаамҭаз аҳәазара далагеит. Шықәсык ихыҵуан ДЦП имоуп ҳәа анырҳәаз. Заа ирбазҭгьы ихәышәтәрагьы аҽа мҩак ала имҩаԥаагон", - лҳәоит Анжела Агрԥҳа, Саид иан.

Аԥхьа иара Екатеринбург дырхәышәтәуан. 2016 шықәса рзы ишьаргәыҵа аоперациа азыруит, аха аныҟәара дзаламгеит. Саид иҭаацәа уи иннамкылеит, ихәышәтәра иацырҵоит, игәыӷуеит.

"Гәдоуҭа ареабилитациатә центр "Асаркьал" аадыртаанӡа, ес-хымз Шәачаҟа ҳцон. Уа ареабилитациатә центр бзиа ыҟоуп. Уаанӡа иара зынӡа дызныҟәомызт, уажәы ма ишьапы дықәгылоит", - лҳәеит Анжела Агрԥҳа.

Саид ичымазара иахҟьаны ашкол ахь дныҟәаӡом. Иан дырҵаҩуп, аҩны дазыҟалҵоит. Саид адунеи аҿы зегь раасҭа ииҭаху иҩызцәа зегь реиԥш ашкол ахь аныҟәароуп.

Гәдоуҭа ареабилитациатә центр "Асаркьал" ахь ҵыԥх даны дыҟан Турнер ихьӡ зху аклиника аҟынтәи аортопед, лара илҳәеит Саид хымԥада аоперациа изутәуп ҳәа.

Уажәы агәыҳалалратә фонд "Ашана" ирыланаҳәеит Саид Санкт-Петербургтәи аклиникаҿы аоперациа изуразы аԥареизгара.

"Лассы дәыӷбала Питерҟа сцоит. Абылтәы рацәаны иаазгоит ара машьынала сныҟәаларазы", - иҳәоит иара дгәырӷьаҵәа.

Саид 232 000 мааҭ аԥара изеизгатәуп иҩызцәа зегь реиԥш дҟаларц азы.

Саид Сергьегьиа ишицхраатәу жәбар шәылшоит афонд "Ашана" аофициалтә саит аҿы.

Ажәабжьқәа зегьы
0