Баҭал Ҷежьиа ареитингтә қәгылара мҩаԥигоит Анапа

© Sputnik / Томас ТхайцукБаҭал Ҷежьиа ареитингтә қәгылара мҩаԥигоит Анапа
Баҭал Ҷежьиа ареитингтә қәгылара мҩаԥигоит Анапа - Sputnik Аҧсны
Анапаҵаҩра
Апрофессионалтә бокс ашоу "Gladiator-VI" мҩаԥысуеит Анапа азал "Капитан" аҿы хәажәкыра 14 рзы. Иалагоит асааҭ 18:00 рзы.

АҞӘА, жәабран 20 – Sputnik. Баҭал Чежьиа Апрофессионалтә бокс ашоу "Gladiator-VI" далахәхоит. Апрофессионалтә бокс ашоу "Gladiator-VI" мҩаԥысуеит Анапа азал "Капитан" аҿы хәажәкыра 14 рзы, диндаҭлоит урыстәылатәи аспортсмен Сергеи Горохов.

Сергеи Горохов жәынтә аиааира игахьеит, ҩынтә даҵахахьеит.

Батал Чежия - Sputnik Аҧсны
Баҭал Чежьиеи Џьамал Усманови реиндаҭлара еиҭахарала инҵәеит

"Даара аԥышәа змоу спортсменуп", - иҳәоит уи изы Ҷежьиа.

Баҭал Ҷежьиа Абокс азы адунеизегьтәи аиҿкаара (WBO) аверсиала аҿар рыбжьара иреиӷьу ҳәа ахьӡ азы ақәгылара мҩаԥигеит абҵара 14, 2019 шықәса рзы Санкт-Петербург. Украинатәи аспортсмен Џьамал Усманови иареи рықәгылара еиҭахарала ихдыркәшеит.

Абри ашьҭахь Аԥснытәи абоксиор арадио Spunik амҩаԥгаҩ изеиҭеиҳәеит Абокс азы адунеизегьтәи аиҿкаара (WBO) аверсиала аҿар рыбжьара иреиӷьу ҳәа ахьӡ азы Санкт-Петербург иқәгылара аӡбаҩцәа ирыдыркылаз аӡбамҭа дшақәшаҳаҭым, Усманави иареи реиндаҭлара аҭыхымҭа деиҭашахәаԥшыз. Ихы бзианы иааирԥшит ҳәа ишишьо, аха аӡбара ахашшаара аҭахны иԥхьаӡом.

Баҭал Ҷежьиа - Sputnik Аҧсны
Аԥеиԥш ду ахь ашьаҿа: Баҭал Ҷежьиа Лондон ақәгылара дазыхиоуп

Аиҭахарагьы лҵшәа бзиоуп. Уи адагьы уи ԥышәоуп ҳәа азиҳәоит Ҷежьиа.

Ҷежьиа иара убасгьы иҳәеит аматч-реванш мҩаԥгазар шиҭахыз, аха Усманов икоманда уи мап шацәыркыз, избанзар дара аиҭахара иааирак еиԥш иазнеиуеит.

Баҭал Ҷежьиа – ажурнал "Про Бокс" аверсиала ИАРи Аславиан тәылақәеи дырчемпионуп, 2017 шықәса рзы Анапа имҩаԥысуаз ашоу "Гладиаторы ринга" аҟны даиааит, Ростов-на-Дону ақалақь аҿы апрофессионалтә бокс ахәылԥаз далахәны Москва иқәгылараан акамерун Даниел Нигата дииааиуеит.

22 шықәса зхыҵуа Баҭал Ҷежьиа иахьазы адунеитә реитинг аҿы 154-тәи апозициаҿ дыҟоуп, Урыстәыла – икапантә категориала аабатәи аҭыԥ аҿы дгылоуп.

Сергеи Горохов адунеи иреиӷьу 250 боксиор дреиуоуп. Урыстәыла иреиӷьу ажәаҩык дрылахәуп.

Иара убас шәаԥхьар ҟалоит:

Ажәабжьқәа зегьы
0