АҞӘА, жәабран 24 - Sputnik. Аҟәа ихдыркәшеит Аԥсадгьыл ахьчаҩ имш иазкны имҩаԥгаз ашахматтә турнир аихшьалақәа рыҟаҵара. Аицлабрақәа ирылахәын Аԥсни Урыстәылеи рымчратә усбарҭақәа рхаҭарнакцәа, ААУ астудентцәа, аҟәатәи ашколқәа №1, №10, №11 рҵаҩцәа.
Атурнир аҟны аиааира агеит Аҟәа ақалақь акоманда. Аҩбатәи аҭыԥ – абыжьбатәи урыстәылатәи арратә база акоманда. Ахԥатәи – аҟәатәи абжьаратә школ №1. Ашколхәыҷқәа рыбжьара иреиӷьу алҵшәақәа ааирԥшит Аскар Аџьынџьал (ашкол №10), аветеранцәа рыбжьара - Борис Наҟоԥиа.
Зегьы иранашьан ахраҿақәа, аҳаҭыртә шәҟәқәа, агәалашәаратә ҳамҭақәа.
Атурнир еиҿыркааит: "Россотрудничество", Аԥсны Ашахмат азы афедерациа.
Аԥсны иҟоу "Россотрудничество" анапхгаҩы Вадим Чеха иҳәеит абри аҩыза атурнир есышықәса ишымҩаԥыргало.
Иара убас шәаԥхьар ҟалоит:
-
Аԥсадгьыл ахьчаҩ имш азы Аҟәа ашахматтә турнир мҩаԥгахоит
-
Аԥснытәи ашахматасыҩ қәыԥш ахԥатәи аҭыԥ игеит Петербургтәи атурнир аҿы
