Асанепидстанциа авирус Аԥснынтә Урыстәылаҟа инанагеит ҳәа ирҳәо аҿаԥнаҽуеит

© Sputnik / Павел Кононов / Амедиаҵәахырҭахь аиасраЛаборатория для тестирования на коронавирус в Архангельской области
Лаборатория для тестирования на коронавирус в Архангельской области - Sputnik Аҧсны
Анапаҵаҩра
Краснодартәи атәылаҿацә ахадара асаит аҟны ашәахьаҽны аинформациа цәырҵит аҵыхәтәантәи уахи-ҽни рыла Ҟәбан авирус зыдбалоу быжьҩык Москва, Хабаровск, ма Аԥснынтәи инеиз ирҿыркааит ҳәа.

АҞӘА, лаҵара 4 – Sputnik, Бадри Есиава. Аԥсны аҳәынҭқарратә санитартә-епидемиологтә маҵзура иаҿаԥнаҽит акоронавирус Аԥснынтәи Урыстәылаҟа инанагеит ҳәа ицәырҵыз аинформациа.

"Ари мцуп. Роспотребнадзор уи шьақәнамырӷәӷәеит", - ҳәа Sputnik акорреспондент изеиҭалҳәеит Аԥсны асанитартә ҳақьым хада Лиудмила Скорик.

Краснодартәи атәылаҿацә ахадара асаит аҟны ашәахьаҽны аинформациа цәырҵит аҵыхәтәантәи уахи-ҽни рыла Ҟәбан авирус зыдбалоу быжьҩык Москва, Хабаровск, ма Аԥснынтәи инеиз ирҿыркааит ҳәа.

Экспресс-диагностика на антитела к коронавирусу в клинике Hadassah Medical Moscow в Сколково - Sputnik Аҧсны
Шәачатәи аԥҳәыс аԥснытәи лысасцәа рҟынтә авирус лоузар ҟалоит

Sputnik акорреспондент изыҳәа инақәыршәаны, Краснодартәи атәылаҿацә акоронавирустә инфекциа аҿагыларазы аоперативтә штаб аҿы ишьақәдырӷәӷәеит излацәажәоз шәачатәи аԥҳәыс COVID-19 аԥснытәи асасцәа рҟынтәи ла лахь ииасит ҳәа шахырҳәаауа, избанзар лыкәша-мыкәша иҟаз ауаа зегь цқьан.

Аԥснытәи лысасцәа рхы ахьдырхази дара рганахь ала ареспублика аоперативтә штаб аҿы дыррас ирымоуи азҵаарақәа ҭакда иаанхеит.

Аԥсны ауааԥсыра акоронавирус рацәыхьчаразы аоперативтә штаб аҵыхәтәантәи адыррақәа рыла, ареспубликаҿы иахьазы ичмазаҩу уаҩ дыҟам. Апандемиа иаалагазар ичмазаҩхахьоу хҩык роуп. Ҩыџьа ргәабзиара шьақәгылеит, аӡәы, 1925 шықәса рзы ииз аԥҳәыс лыԥсҭазаара далҵит.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

Ажәабжьқәа зегьы
0