Аԥсны АҶА акурсантцәа жәахаҩык рыҩныҟа ихынҳәит

© Foto / МЧС Республики Абхазия Первая группа курсантов МЧС Абхазии, обучающихся в РФ, прибыла на родину
Первая группа курсантов МЧС Абхазии, обучающихся в РФ, прибыла на родину - Sputnik Аҧсны
Анапаҵаҩра
Аԥсны Аҭагылазаашьа ҷыдақәа рминистр Лев Кәыҵниа иусдҵала акурсантцәа гәыԥ-гәыԥла ихынҳәуеит.

АҞӘА, лаҵара 21 - Sputnik. Урыстәыла аҵара зҵо Аԥсны Аҭагылазаашьа ҷыдақәа рминистрра акурсантцәа лаҵара 20 рзы Аԥсныҟа ихынҳәит ҳәа аанацҳауеит аминистрра асаит.

Лаборатория по производству реагентов для экспресс-тестов на коронавирус в Сколково - Sputnik Аҧсны
Даҽа курсантк акоронавирус шихьыз шьақәыргылоуп

Аԥсны Аҭагылазаашьа ҷыдақәа рминистр Лев Кәыҵниа иусдҵала акурсантцәа еиҿкаарыла, гәыԥ-гәыԥла ихынҳәуеит.

Макьаназы ихынҳәхьо 13 курсант роуп, лаҵара 23 рзы аҽа жәаҩык ирзыԥшуп.

Акурсантцәа зегьы акоронавирус азы атестқәа ирхыжьуп, амашьына ҷыдала Аҟәаҟа, "Аиҭар" ахь иаагоуп 14-мш акарантин рхыргарц азы.

"Акарантин анырхыргалак, атестқәа еиҭархыжьхоит. Абри ашьҭахь дара аштаттә режим ала рнапынҵақәа рынагӡарахь инеиуеит", - ҳәа аҳәоит адырраҭара.

Адырраҭараҿы иара убасгьы иарбоуп АҶА амедицинатә ҟәша аусуҩцәа аԥсны-урыстәылатә ҳәааҿы рнапынҵақәа шынарыгӡо.

Ашоура арежим амониторинг адагьы аҳәаа иахысуа рзы аинформациа еизыргоит уи нахыс Аԥсны агәабзиарахьчара аминистрреи аҩныҵҟатәи аусқәа рминистрреи рахь анашьҭразы.

Иара убас шәаԥхьар ҟалоит:

Ажәабжьқәа зегьы
0