Агәабзиарахьчара аминистрра: Бжьаниа COVID-19 азы атест дахысит, авирус илам

© Sputnik / Евгений Биятов / Амедиаҵәахырҭахь аиасраСдача анализов на коронавирус не выходя из машины
Сдача анализов на коронавирус не выходя из машины  - Sputnik Аҧсны
Анапаҵаҩра
Лаҵара 5 рзы Аслан Бжьаниа Аԥсны ахада иаҳасаб ала раԥхьатәи аҳәаанырцәтә усуратә ныҟәарала Москва дыҟан.

АҞӘА, лаҵара 22 – Sputnik. Аԥснытәи аделегациа Урыстәыла рыҟазаараан аҽыԥхьакратә ҭагылазаашьа рзеиҿкаан ҳәа иҳәеит Аԥсны агәабзиарахьчара аминистр Ҭамаз Ҵахнакьиа аиҿкаара "Ҳара ҳаидгылоуп" имҩаԥнагаз апресс-конференциаҿ.

"Аделегациа Аԥсныҟа рыхынҳәра ашьҭахь атәыла ахада аҽыԥхьакратә режим дықәныҟәон. Иарбанызаалак авирус аҟазшьақәа ҳәа акгьы идбалам. Анализқәа зегь рырбагақәа цқьоуп", - иҳәеит аминистр, ажурналистцәа рызҵаара аҭак ҟаҵо.

Ахада Иусбарҭа анапхгаҩы ихаҭыԥуаҩ Џьансыхә Нанба ишьақәирӷәӷәеит аделегациа Москва рыҟазаараан аԥҟарақәа зегьы ишрықәныҟәаз.

"Ареспублика анапхгара Москваҟа рцара аҵак ду аманы иҟан ҳтәылаз. Аха убри аан аԥҟарақәа зегьы ирықәныҟәан ишахәҭаз аиԥш. Имҩаԥган иахәҭаны иҟаз атестқәа"́, - иҳәеит иара.

Аслан Бжьаниа лаҵара 5 рзы Аԥсны ахадак иаҳасабала раԥхьаӡа акәны усутә ныҟәарала аҳәаанырцә дцеит. Аҳәынҭқарра ахада иццеит аԥыза-министр ихаҭыԥуаҩ, афинансқәа рминистр Владимир Делбеи аԥыза-миистр ихаҭыԥуаҩ, аекономика аминистр Кристина Озганԥҳаи.

Иара убас шәаԥхьар ҟалоит:

Ажәабжьқәа зегьы
0