Аԥсны аҳаԥаҿы иҭахаз Павел Демидов иԥсыбаҩ ҭыргеит

© Foto / МЧС РАСпасатели МЧС
Спасатели  МЧС - Sputnik Аҧсны
Анапаҵаҩра
Урыстәылатәи аспелеолог Павел Демидов, акоманда "Перово-Спелео" алахәыла дҭахеит нанҳәа 23 рзы Арбаика иахәҭаку макьана иҭҵаам аҳаԥқәа руак ахь данлыбаауаз.

АҞӘА, цәыббра 1 – Sputnik. Аԥсны аҳаԥаҿы иҭахаз урыстәылатәи аспелеолог Павел Демидов иԥсыбаҩ ҭыргеит, абри атәы Sputnik иазеиҭеиҳәеит Аԥсны аҭагылазаашьа ҷыдақәа рзы аминистр ихаҭыԥуаҩ Тигран Делибалтиан.

Аусбарҭа аиҳабы Лев Кәыҵниа ишазгәеиҭаз ала, цәыббра 2 рзы Аԥсны АҶА авертолиот ала аԥсыбаҩ Гагратәи аԥсы иҭыԥақәҵарҭахь днаргоит анаҩс Урыстәылаҟа ашьҭра иазыҟарҵарц азы.

Урыстәылатәи аспелеологцәеи Аԥсны АҶА аусзуҩцәеи нанҳәа 27 рзы Арбаика ашьхараҿы алагер еиҿыркааит аевакуациатә усурақәа рымҩаԥгаразы. Нанҳәа 28 рзы иҭахаз иԥсыбаҩ аҳаԥы ахәыҵгаразы урҭ аусурақәа ирылагеит.

Нанҳәа 23 рзы Демидов уи аҳаԥахьы ддәықәлеит иколлега Андреи Шумеико дицны. 305 метра аҵаулараҿы дшыҟаз ахаҳә гәалқәа иқәҳаит. Демидов урҭ рыҵыҵра илымшеит, Шумеико иакәзар иԥсы еиқәхеит.

архив - Sputnik Аҧсны
Павел Демидов иԥсыбаҩ Арбаикатәи аҳаԥы абжаранӡа ихаргалеит

Андреи Шумеико еиҭеиҳәеит Демидов дахьҭахаз аҳаԥы ҵыԥх, 200 метра рҟынӡа аҵаулараҟынӡа ишаадыртыз. Аспелеолог иажәақәа рыла, абри аҳаԥы Аԥсны мацара акәымкәа, адунеи аҿы зегь реиҳа иҵаулоу акәхар ауеит.

Нанҳәа 26 рзы Демидов иԥсыбаҩ аҳаԥы иҭыгара аоперациа иалагеит. Уи аоперациа иаразнак рҽаладырхәит Аԥсны АҶА аиқәырхаҩцәа, аоперациа хылаԥшра аиҭоит аминистр Лев Кәыҵниа.

Нанҳәа 29 рзы Павел Демидов иԥсыбаҩ ахаҳәқәа ирыҵырхит, сакасала аҳаԥы аҭыгаразы азыҟаҵарақәа ирылагеит.

Иара убас шәаԥхьар ҟалоит:

Ажәабжьқәа зегьы
0