Амаининг азы ахархәагақәа рконтрабанда аанкылоуп Аԥсны

© Sputnik / Евгений Одиноков / Амедиаҵәахырҭахь аиасраМайнинг криптовалют
Майнинг криптовалют - Sputnik Аҧсны
Анапаҵаҩра
2020 шықәса цәыббра 21 азы Аминистрцәа Реилазаара ақәҵара аднакылеит акриптовалиута аиура аҭышәныртәаларазы, 60 мзартә мшы ҿҳәарас иҟаҵаны ареспублика аҵакырахь акриптовалиута аиуразы иаҭаху атауар алагалара азин аԥырхырц.

АҞӘА, жьҭаара 30 - Sputnik. 2020 шықәса жьҭаара 28 рзы Аԥсны аҳазалхратә Еилакы аусзуҩцәа Гагра араион, Бзыԥҭа аҳабла, аҵәахырҭатә хыбра аҵакыраҿы 100 цырак акриптавалиута аиуразы амыругақәа шыҟаз аадырԥшит ҳәа аанацҳауеит аусбарҭа апресс-маҵзура.

Майнинг криптовалют - Sputnik Аҧсны
Аминистрцәа Реилазаара амаининг аҭышәныртәаларазы ақәҵара аднакылеит

Арҭ амыругақәа аҳазалхратә ԥҟарақәа еилаганы уаанӡа Аԥсны аҵакырахь иалагалан.

Аоператив-профилактикатә уснагӡатәқәа мҩаԥган Аԥсны аҳазалхратә еилакы  аконтрабандеи аҳазалхратә еилагарақәеи рҿагылара аҟәша аусзуҩцәа рыла.

Аусбарҭа апресс-маҵзура ишаанацҳауала абри аус аганахь ала аматериалқәа нашьҭуп Аԥсны Аҳәынҭқарратә аҳазалхратә еилакы аҳазалхратә ҭҵаарақәеи агәаҭарақәеи рыҟәшахьы.

Аҳазалхратә еилакы уаанӡагьы изныкымкәа асеиԥш иҟаз аилагарақәа аԥнарҟәҟәаахьан. Убас, 2020 шықәса жьҭаара 25рзы аушьҭырҭатә ҭыԥ  "Ԥсоу" аҿы Аԥсны атәылауаҩ зыԥсҟы икыз автотранспорттә хархәагаҟны иаадырԥшхьан акриптовалиута аиуразы ахархәагақәа 16 цыра.

Иара убас шәаԥхьар ҟалоит:

Ажәабжьқәа зегьы
0