Бжьаниа Аԥсны адәныҟаполитикатә концепциа шьақәирӷәӷәеит

© Sputnik / Марианна Кубрава Пресс-конференция президента Абхазии Аслана Бжания
Пресс-конференция президента Абхазии Аслана Бжания - Sputnik Аҧсны
Анапаҵаҩра
Атәыла ахада Аԥсны Аҳәынҭқарра адәныҟатәи аполитика шьақәирӷәӷәоит Аконституциа ахәҭаҷ 53 ахәҭа 2 инақәыршәаны.

АҞӘА, ԥхынҷкәын 7 - Sputnik. Аԥсны ахада Аслан Бжьаниа инапы аҵаиҩит аусԥҟа "Аԥсны Аҳәынҭқарра адәныҟатә политика аконцепциа ашьақәырӷәӷәаразы". Абри атәы аанацҳауеит ахада исаит.

Аԥсны адәныҟатәи аполитика апринцип хадақәа ракәны иҟоуп:

  • Амилаҭтә интересқәа аԥыжәара рыҭара;
  • Адәныҟатә шәарҭарақәа активла аҭак рыҭара;
  • Адәныҟатә еимадарақәа рыхкырацәара;
  • Аиҟарареи аҳаҭыреиқәҵареи ҵаҵӷәыс иҟаҵаны аусеицура азыхиара.

Аԥсны амилаҭтә интересқәа азыԥхьагәаҭаны адәныҟаполитикатә ҽазышәарақәа абарҭ ахықәкқәа рынагӡара иазырхазароуп:

  • Аԥсны Аҳәынҭқарра амилаҭтә шәарҭадара аиқәыршәара, иара атәылауаа рыхьчара, асуверенитети аҵакырадгьыл акзаареи рырӷәӷәара;
  • Аҳәынҭқарра асоциал-економикатә ҿиаразы иманшәалоу адәныҟатә ҭагылазаашьақәа раԥҵара, Аԥсны Аҳәынҭқаррахь аҳәаанырцәтә инвестициақәа радԥхьалара, Аԥсны Аҳәынҭқарра аҳәаанырцә ахәаахәҭра-економикатә интересқәа реиҵыхра;
  • Аҳәаанырцә иҟоу Аԥсны Аҳәынҭқарра атәылауаа рзинқәеи ринтересқәеи рыхьчара;
  • Урыстәылатәи Афедерациеи Аԥсны Аҳәынҭқарреи рыстратегиатә партниорра арӷәӷәареи арҿиареи;
  • Аԥсны Аҳәынҭқарреи егьырҭ аҳәынҭқаррақәеи, зыбжьара адипломатиатә еизыҟазаашьақәа шьақәгылоу, рыбжьара наҟ-ааҟ апартниорра аизырҳареи арҿиареи;
  • Аԥсны Аҳәынҭқарра ԥхьаҟатәи жәларбжьаратә зхаҵара;
  • Адунеи зегь аҟны аԥсуа диаспора рымадара арӷәӷәара;
  • Аԥсны Аҳәынҭқарра жәларбжьаратәи ахыԥша аиҿкаареи арӷәӷәареи;
  • Ақырҭуа-аԥсуа еимакы аҭышәныртәалареи Қырҭтәылеи Аԥсни реизыҟазаашьа аҭышәныртәалареи;
  • Кавказтәи арегион аҿы аҭынчреи аҭышәынтәалареи рырӷәӷәара ацхраара;
  • Аԥсны Аҳәынҭқарра жәларбжьаратәи арегионалтә институтқәа рылаларазы аҽазышәара.

Атәыла ахада Аԥсны Аҳәынҭқарра адәныҟатәи аполитика шьақәирӷәӷәоит Аконституциа ахәҭаҷ 53 ахәҭа 2 инақәыршәаны.

Ажәабжьқәа зегьы
0