АҞӘА, ԥхынҷкәын 8 - Sputnik. Аԥсны Аӡбаҩцәа рыквалификациатә коллегиа ахантәаҩ ҿыцс далхуп аиустициа аминистр Анри Барцыц ҳәа аанацҳауеит Иреиҳаӡоу аӡбарҭа асаит.
Аԥсны аӡбаҩцәа рыквалификациатә коллегиа ахантәаҩы ихаҭыԥуаҩыс далхуп Иреиҳаӡоу аӡбарҭа аӡбаҩ Ада Касланӡиаԥҳа.
Аԥсны аӡбаҩцәа рыквалификациатә коллегиа ҿыц азинмчра ахыркәшара инадҳәаланы рнапынҵақәа аанкылоуп Гәдоуҭатәи араионтә ӡбарҭа аӡбаҩцәа Борис Аргәыни Лиудмила Ҷанԥҳаи, Гагра араионтә ӡбарҭа аӡбаҩ Мери Мықәԥҳаи Иреиҳаӡоу аӡбарҭа аӡбаҩ Есма Қорсаиаԥҳаи.
Аквалификациатә коллегиа шьақәгылоуп жәҩык рыла. Аилазаара ҿыц иалахәуп:
- Азеиԥш иурисдикциа аӡбарҭаҟынтәи – Иреиҳаӡоу аӡбарҭа аӡбаҩ Ада Касланӡиаԥҳаи Гәылрыԥшь араионтә ӡбарҭа ахантәаҩы Марина Ануаԥҳаи;
- Арбитражтә ӡбарҭаҟынтә – Кама Арсҭааԥҳаи Лиудмила Амҷыԥҳаи;
- Апарламент аҟынтә – адепутатцәа Баҭал Табаӷәуеи Каха Пертаиеи;
- Аԥсны ахада иҟынтәи – ахада Иусбарҭа анапхгаҩы ихаҭыԥуаҩ Саида Быҭәԥҳаи аиустициа аминистр Анри Барцыци;
- Аԥснытәи аҳәынҭқарратә университет аҟынтәи – Давид Сангәлиа.
Иара убас шәаԥхьар ҟалоит:
- Табаӷәуа еиҭеиҳәеит Аӡбаҩцәа рыквалификациатә коллегиа мчыс иамоу
-
Пасаниаԥҳа еиҭалҳәеит ауаҩы Аӡбаҩцәа рыквалификациатә коллегиа ихы иаирхәар шалшо
