АҞӘА, ажьырныҳәа 22 – Sputnik, Бадри Есиава. Астанциа маҷ "Гәдоуҭа-1" аҟны авариа ҟалеит аԥшьаша ажьырныҳәа 21 рзы афымцацәаҳәақәа ирықәу аидара иахҟьаны ҳәа адырра ҟарҵоит АУН "Амшынеиқәафымцамч" гәдоуҭатәи афилиал аколл-центр аҿы.
"Уажәазы алашара ыҟам авокзали, Аҳәынҭавтоинспекциа апост "Бамбореи", Лыхны ақыҭа ахәҭаки рҿы. Аремонттә бригадақәа аусура иаҿуп. Ҳақәгәыӷуеит аусурақәа хыркәшахап ҳәа асааҭ 14:00 шыҟоу", - рҳәоит аколл-центр аҿы.
Аоператор иара убасгьы иазгәеиҭеит Гәдоуҭа астанциа маҷқәа зегьы рыҟны аидара хьанҭа шыҟоу шазгәаҭоу.
"Ацәаҳәақәа рылшара анорма инахыҳәҳәо аидара иаҵоуп. Уи иахҟьаны ацәаҳәақәа былуеит, иӡыҭуеит, амуфтақәа тҟәацуеит", - ҳәа иҳәеит аоператор.
Астанциа маҷ "Гәдоуҭа-1" аҟны авариа ҟалеит аԥшьаша ажьырныҳәа 21 асааҭ 19:45 рзы.
Аԥсны афымцамч иахьатәи аамҭазы иақәу аидара хьанҭа еиҳарак изыхҟьо акриптовалиута аиуразы амаининг аус ахьауа ауп, убри аан ари аусхкы амҩаԥагаразы азин ыҟам 2021 шықәса рашәара 1 аҟынӡа.
Иара убас шәаԥхьар ҟалоит:
-
Гәдоуҭа ахәҭак лашарада иаанхеит авольтҳарак-цәаҳәа "Калдахәара" ахьанҭараз
-
Кәарҷиа амаинингқәа рызҵааразы: аиҳабыра алахәзар ҟалоит, уи ауп ҳзазымаиааиуагьы
-
Логәуа: афымцатә ҳақәа ирықәу аидара шыҟац иаанхоит
