Ашьапылампыл азы Аԥсны аҿар ркоманда Шәача актәи рыхәмарра мҩаԥыргеит

© Foto / Государственный комитет Абхазии по делам молодежи и спортуМолодежная сборная Абхазии по футболу
Молодежная сборная Абхазии по футболу  - Sputnik Аҧсны, 1920, 08.02.2021
Анапаҵаҩра
Аԥсны еизгоу аҿар ркоманда Шәача арҵара-ҽазыҟаҵаратә хәмаррақәа рҳәаа иҭагӡаны х-еиԥыларак мҩаԥнагараны иҟоуп.

АҞӘА, жәабран 8 – Sputnik, Бадри Есиава. Ашьапылампыл азы Аԥсны аҿар ркоманда Шәача актәи рыхәмарра мҩаԥыргеит акоманда "Медик" (Шәача) ахәмарцәеи дареи реиԥыларала ҳәа Sputnik иазеиҭеиҳәеит Аԥсны ашьапылампыл азы Афедерациа ахада Витали Федоренко.

Футбольный мяч - Sputnik Аҧсны, 1920, 10.11.2020
Аԥснытәи "Олимпик" Шәача ашьапылампылтә турнир аҿы ииааиит

"Иахьа Шәача имҩаԥысит 18 шықәса рҟынӡа зхыҵуа ашьапылампыласыҩцәа реицыхәмарра. Ашьапылампыл азы Аԥсны аҿар ркоманда актәи рыхәмарра мҩаԥыргеит акоманда "Медик" (Шәача) ахәмарцәеи дареи реиԥыларала, аха 4:0 ҳәа иаҵахеит", - ҳәа иҳәеит иара.

Федоренко иажәақәа рыла, ари зыхҟьаз ареспублика аҿартә команда аҵыхәтәантәи ажәашықәса рыҩнуҵҟа раԥхьаӡа акәны иахьаԥҵаз, ахәмарыҩцәа аҽазыҟаҵаразы алшара ахьрымамыз азы ауп.

"Акоманда ҿыц еидкылоуп. Азыҟаҵаҩцәеи аклуб анапхгаҩцәеи ахәмарыҩцәа рылшарақәаҵәҟьагьы иныҭкааны ирыздырам", - ҳәа иҳәеит иара.

Ахәмарра ҵахарыла ишеилгазгьы, азыҟаҵаҩ Ҭамаз Бжьаниа аспортсменцәа рхаарԥшышьа игәаԥхеит. Иара иажәақәа рыла, акраамҭатәи аҽазыҟаҵара шрыгызгьы, алеишәа иаша аадырԥшит, ақәԥара ишазыхиоугьы рныԥшит.

"Аус здуулаша аматериал ыҟоуп. Акоманда аԥеиԥш шамоу убоит, иахәҭоу азыҟаҵарақәа мҩаԥгалатәуп. Иааидкыланы иахьатәи ахәмарра сгәы иақәшәеит. Атурнир шымҩаԥысуа иаҿырԥшны акоманда аилазаара еиҿаҳкаауеит", - иҳәеит иара.

Аҿари аспорти рзы Аҳәынҭеилакы ишаанацҳауа ала, аҩбатәи ахәмарраан астрахантәи "Волгари" ирыцыхәмаруеит жәабран 14 рзы. Ахԥатәи ахәмарра арыцхәи изцыхәмаруа акомандеи макьаназ еилкаам.

Иара убас шәаԥхьар ҟалоит:

Ажәабжьқәа зегьы
0