Даур Ақаҩба "Аԥсны аҭынчра аиқәырхаразы" амедал ианашьоуп

© Foto / Министерство иностранных дел РАМинистр иностранных дел Даур Кове награжден медалью Министерства обороны Республики Абхазия "За поддержания Мира в Абхазии"
Министр иностранных дел Даур Кове награжден медалью Министерства обороны Республики Абхазия За поддержания Мира в Абхазии - Sputnik Аҧсны, 1920, 16.03.2021
Анапаҵаҩра
Амедал анашьара ацеремониа мҩаԥысит Адәныҟатәи аусқәа рминистрраҟны, Даур Ақаҩба имшира аҽны - хәажәкыра 15 рзы.

АҞӘА, хәажәкыра 16 - Sputnik. Аԥсны Атәылахьчара аминистр инапынҵақәа назыгӡо аинрал-полковник Беслан Ҵәыџьба 2021 шықәса хәажәкыра 15 рзы Адәныҟатәи аусқәа рминистр Даур Ақаҩба ианеишьеит Атәылахьчара аминистрра амедал "Аԥсны аҭынчра аиқәырхаразы", ареспублика жәларбжьаратәи азхаҵара аиураҿ илшамҭақәа рзы. Абри атәы аанацҳауеит Аԥсны ААР асаит.

Амедал Даур Ақаҩба инапаҿы идыркит Атәылахьчара аминистр ихаҭыԥуаҩ, астатс-маӡаныҟәгаҩ, аинрал-маиор Олег Аршбеи аминистрра аппарат анапхгаҩы, аинрал-маиор Илиа Гамсаниеи.

Амедал анашьара ацеремониа мҩаԥысит Адәныҟатәи аусқәа рминистрраҟны, Даур Ақаҩба имшира аҽны, хәажәкыра 15 рзы.

Даур Ақаҩба 42 шықәса ихыҵит. Адәныҟаполитикатә усҳәарҭа аиҳабы имшира идиныҳәалеит атәыла ахада Аслан Бжьаниа.

Ажәабжьқәа зегьы
0