Урыстәылатәи аррамаҵзурауаа 40 нызқь аџьаԥҳаны нырхит Аԥсны ашьхақәа рҿы рҽазыҟаҵараан

© Foto / пресс-служба ЮВО Военнослужащие разведчики ЮВО в горах Абхазии израсходовали более 40 тыс. боеприпасов в ходе лагерного сбора
Военнослужащие разведчики ЮВО в горах Абхазии израсходовали более 40 тыс. боеприпасов в ходе лагерного сбора - Sputnik Аҧсны, 1920, 06.04.2021
Анапаҵаҩра
Аҽазыҟаҵарақәа ирылахәын абаза аԥшыхәыҩцәа 200-ҩык, 30 ак арратә техника, акәылӡы зқәу атранспортерқәа БТР-82АМ, акәылӡы зқәу аԥшыхәратә машьынақәа "Дозор", амашьынақәа КамАЗ "Мустанг".

АҞӘА, мшаԥы 6 - Sputnik. Ашьхатә полигон Ҵабал алагертә ҽеизакра аан аԥшыхәратә ҟәшақәа рыррамаҵзурауаа 40 нызқь аџьаԥҳаны рхы иадырхәеит. Абри атәы аанацҳауеит Аладатәи арратә округ апресс-маҵзура.

Военнослужащие ЮВО обезвредили ударные «дроны» условного противника над Черным морем_1 - Sputnik Аҧсны, 1920, 05.04.2021
Урыстәылатәи аруаа Амшын еиқәа аҳауатә ҵакыраҿы "аӷа" идронқәа ҭадырхеит

Аԥшыхәцәа БТР-82АМ аҟынтәи аснаипертә винтовкақәа "Винторез", апулеметқәа "Печенег", автоматқәа АК-74М рыла ихысуан.

Уи адагьы аҽазыҟаҵарақәа раан агранатақәа РГД ыршәны "аӷа" ицәҟьарақәа 500 ԥыржәеит.

Иара убасгьы аԥшыхәра амҩаԥгара атактикақәа аус рыдулан: ашьхараҿы абнаратә ҭыԥқәа рҟны аԥыԥшырҭа ҭыԥқәа реиҿкаашьа рҵон, напышьашәалатәи аилалара мҩаԥыргон, аҭыԥ арельеф рхы иархәаны рҽыҵәахны уахынла иԥхьон.

Иара убасгьы аруаа ҩ-ганктәи адиверсиаҿагыларатә тактикатә ҽазыҟаҵара мҩаԥыргеит.

Аруаа иддырҵеит аԥшыхәра атехникатә хархәагақәа– алазертә приборқәа, арадиолокациатә станциақәа СБР-3, аимадареи анавигациеи рцифратә шьақәгылақәа "Грот-М" рхархәашьа.

Аҵара-ҽазыҟаҵарақәа мҩаԥысуеит аԥышәа змоу абаза аинструкторцәа рнапхгарала.

Ажәабжьқәа зегьы
0