Чебоксарынтәи Аԥсныҟа аалыҵ аекспорт 70 миллион доллар рыхә итәоит

© Foto / Администрация города Сухум Итоги первого дня рабочего визита делегации Администрации г. Сухум в г. Чебоксары
Итоги первого дня рабочего визита делегации Администрации г. Сухум в г. Чебоксары  - Sputnik Аҧсны, 1920, 07.04.2021
Анапаҵаҩра
Беслан Ешба зхадараҿы дыҟоу Аҟәа ақалақь ахадара аделегациа Чувашиатәи ареспубликахь инеиит мшаԥы 4 рзы.

АҞӘА, мшаԥы 7 – Sputnik. 2020 шықәсазы Чебоксарынтәи Аԥсныҟа аалыҵ аекспорт 70 миллион доллар рыхә итәоит. Абри атәы азгәаҭан Аҟәа аделегациеи Чувашиатәи ареспублика анаплакыҩцәеи реиԥылараан.

Чебоксар ақалақь анаплакқәа Аԥсныҟа иаарышьҭуеит рекспорттә аалыҵ аҟынтәи х-процентк рҟынӡа, агроааглыхратә, акәац-ахш лыхқәа, аликиор зауад атауар, ашьаҳариа-кондитертә фабрика аалыҵ, аҵааршә уҳәа назлоу.

Речной порт в городе Чебоксары. - Sputnik Аҧсны, 1920, 07.04.2021
Чебоксарыи Аҟәеи аиашьаратә еизыҟазаашьақәа рыбжьарҵеит

Аиԥылара аҳәаақәа ирҭагӡаны Аҟәа ахада ихаҭыԥуаҩ Леон Кәарҷиа иӡыригеит Аҟәа аинвистициатә лшарақәа рыпроект, далацәажәеит аекспортерцәеи аинвесторцәеи ирзаԥҵоу ашәахтә ҭагылазаашьа.

Чувашиа ААП 400 лахәыла амоуп. Абизнесуаа Аҟәа аинвистициатә лшара аинтерес шьҭыхны иазҵаауан, аха убри аан ирҳәон аҭыԥантәи абизнес алегалра агәра ганы иҟазар шакәу.

Беслан Ешба иҳәеит иарбанызаалак анаплакы аусуразы аинформациа аиура шауа Аҟәа ахадараҿ иҟоу аекономикатә ҿиара Адепартамент аҿы ма Аԥсны ААП аҟны.

Абизнесуааи дареи реиԥылара ашьҭахь аделегациа Урыстәылазегьтәи анаука-ҭҵааратә институт Расходметриа иаҭааны ирбеит уа иҭрыжьуа аалыҵ.

Иара убасгьы аделегациа атрактор Амузеи иаҭааит. Уа иахәаԥшит аҵлақәа реиҭаҳаранӡа амҩақәа зрыцқьо амодель. Беслан Ешба хаҭала иара ахаҭабзиара гәеиҭеит.

Беслан Ешба зхадараҿы дыҟоу Аҟәа ақалақь ахадара аделегациа Чувашиатәи ареспубликахь инеиит мшаԥы 4 рзы.

Ажәабжьқәа зегьы
0