Нанҳәа 15 - Аԥсны хатәгәаԥхарала еибашьуаз ирымшуп

© Sputnik / Томас ТхайцукДень добровольца в Гудауте
День добровольца в Гудауте - Sputnik Аҧсны, 1920, 15.08.2021
Анапаҵаҩра
1992-1993 шш рзы Аԥсны аџьынџьтәылатә еибашьра иалахәын 2300 - ҩык инарзынаԥшуа хатәгәаԥхарала еибашьуаз.
АҞӘА, нанҳәа 15 - Sputnik. Аԥсны аџьынџьтәылатә еибашьраан иҭахаз хатәгәаԥхарала иааны иеибашьуаз ргәаладыршәеит, нанҳәа 15 Гәдоуҭа ақалақь аҟны. Абри атәы иҳәеит ақалақь аусбарҭа аусзуҩ Ҭемыр Шамба. Уи иажәақәа рыла аҿкчымазара алмарҵәаразы иалагалоу аԥкрақәа азгәаҭаны, аусмҩаԥгатә ауаа рацәа аламырхәӡакәан имҩаԥысит.
Отечественная война народа Абхазии 1993-1994 года. Разрушенные дома в центре города Сухум - Sputnik Аҧсны, 1920, 14.08.2021
"Сахьаԥсыуаз азы срыпҟон": аибашьра раԥхьатәи амш иацу агәалашәарақәа
Гәдоуҭа игылоу хатәгәаԥхарала иааны еибашьуаз иҭахаз рбаҟа амҵан ашәҭшьыҵәрақәа шьҭарҵеит Аԥсны ахада ихаҭыԥуаҩ Бадра Гәынба, Аҳәынҭқарра ахада иусбарҭа аиҳабы Алхас Кәыҵниа, аԥыза-министр ихаҭыԥуаҩ, акыҭанхамҩа аминистр Беслан Џьапуа, адәныҟатәи аусқәа рминистр Даур Акаҩба, Аҟәа ақалақь ахада Беслан Ешба, Гәдоуҭа ақалақь ахадареи аусбарҭа аусзуҩцәеи. Иара убас зхыԥхьаӡара рацәамыз Чеченәылантәии Нхыҵ Уаԥстәылантәии хатәгәаԥхаралатәи аибашьцәа.
1992-1993 шш. рзтәи Аԥсны жәлар Рџьынџьтәылатә еибашьра иалахәын ҩ-нызқь инарыцны хатәгәаԥхарала иааны еибашьуаз. Урҭ рҟынтәи 51-ҩык "Аԥсны Афырхаҵа" ҳәа ахьӡ иаԥсахеит. 247-ҩык Леон иорден ранашьоуп. 623-ҩык "Агәымшәараз" амедал рыҭоуп. Аԥсны ахақәиҭра рхы ақәырҵеит 260-ҩык.
 
Ажәабжьқәа зегьы
0