Иԥхасҭахаз акомпиутертә томограф аиҭашьақәыргылара иазхиоуп урыстәылатәи аилахәыра

© Foto / facebook / Butba EduardТомограф в Гудаутской ЦРБ
Томограф в Гудаутской ЦРБ  - Sputnik Аҧсны, 1920, 21.08.2021
Анапаҵаҩра
Цәыббрамза 2020 шықәсасы Гәдоуҭатәи ахәшәтәырҭаҿы иқәыргылаз акомпиутертә томограф ԥхасҭахеит ԥхынгәымза анҵәамҭазы. Иара аархәеит урыстәылатәи аилахәыра "Форсайт-медикал" аҟны, агәыҳалалратә ҵысра "Мы – Вместе".
АҞӘА, нанҳәа 21 - Sputnik. Аилахәыра "Форсайт-медикал" аамҭа кьаҿк иалагӡаны Гәдоуҭатәи ахәшәтәырҭаҿы акомпиутертә томограф еиҭашьақәыргыланы ачымазҩцәа аднакылартә иҟарҵоит, иҳәеит агәабзиарахьчара аминистр Едуард Быҭәба нанҳәа 20 рзы иҟаиҵаз аинтервиу аҟны.
Аԥсны ахада Гәдоуҭатәи ахәшәтәырҭа атомограф аремонт азырурц адҵа ҟаиҵеит - Sputnik Аҧсны, 1920, 20.08.2021
Аԥсны ахада Гәдоуҭатәи ахәшәтәырҭа атомограф аремонт азырурц адҵа ҟаиҵеит
Быҭәба иҳәеит, Аԥсны ахада инапынҵала иҽшрымаидаз аилахәыра аусзуҩцәа. Урҭ иҳадыргалеит акомпиутертә томограф-асканнер авольтҳаракыла аԥсахра азԥхьаӷазҭо, уи 3 600 000 мааҭ рҟынӡа иартәоит. Иара убас 800 000 мааҭ иаԥсоу  амодуль харантәи иаазышьҭуа аҿаркарц. Аминистр иазгәеиҭеит  жәамш рыҩнуҵаҟа аусурақәа зегь шынагӡахо, иаҭаху аԥара зегьы аншәахалак ашьҭахь.
"Дара хиоуп иааиуа амчыбжь азын Аԥсныҟа иааны аиҭашьақәыргыларатә усқәа рылагара. Амодуль харантәи иаазышьҭуа иаанагоит, ачымазцәа рхыԥхаӡара иацланы атомограф аусура иалагар, уи иахҟьаны атрубка ахьанҭара аиур, дара уаантәи аусура ааныркылоит иԥхасҭамхарц азы", - иҳеит иара.
Гәдоуҭатәи аковидхәшәтәырҭаҿы акомпиутертә томограф ԥхасҭанаҵы, рхы иадырхәоит ацифратә арентген-аппарат.
Иара убас шәаԥхьар ҟалоит:
 
 
Ажәабжьқәа зегьы
0