Ҩымш рыла акоронавирус злаз хәҩык рыԥсҭазаара иалҵит Аԥсны

© AP Photo Frank Franklin IIПомощник врача проводит тест на Covid в рамках планов Столичного транспортного управления по тестированию рабочих
Помощник врача проводит тест на Covid в рамках планов Столичного транспортного управления по тестированию рабочих - Sputnik Аҧсны, 1920, 23.08.2021
Анапаҵаҩра
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 24310-ҩык ыҟоуп, ргәы бзиахеит 20045-ҩык, рыԥсҭазаара иалҵит 365-ҩык.
АҞӘА, нанҳәа 23 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 448-ҩык атестқәа рзыҟаҵан, урҭ рахьтә 137-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.
Гәдоуҭатәи ахәшәтәырҭаҿы ҩымш рыла рыԥсҭазаара иалҵит ԥшьҩык ачымазцәа: 86, 74 шықәса зхыҵуа ахацәеи 78, 69 шықәса зхыҵуа аҳәсеи. Аҟәатәи аинфекциатә хәшәтәырҭаҿы лыԥсҭазаара далҵит 75 шықәса зхыҵуаз аԥҳәыс.
Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 116-ҩык, рҭагылазаашьа бааԥсуп 31-ҩык, ибжьаратәуп - 39-ҩык. Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 30-ҩык, урҭ рахьтә 10-ҩык апациентцәа рҭагылазаашьа уадаҩуп. Очамчыра ирхәшәтәуеит 18-ҩык. Гагратәи ахәшәтәырҭаҿы - 43-ҩык, урҭ рахьтә 11-ҩык апациентцәа рҭагылазаашьа уадаҩуп. Тҟәарчалтәи ахәшәтәырҭаҿы - 10-ҩык апациентцәа. Аҟәатәи арратә госпиталь аҿы - 47-ҩык апациентцәа.
Акоронавирус иазку ажәабжьқәа зегьы шәрыԥхьар ҟалоит абра>>
Ажәабжьқәа зегьы
0