20:26 22 Лаҵара 2018
Аҟәа+ 23°C
Ишиашоу ицо аефир
Стройка школы в КЧР.

Ҟарачы-Черқьесск 2016 шықәсазы иаадыртуеит Арӡынба ихьӡ зху ашкол

© Фото : предоставлено Фатимой Кабаловой
Кавказ
Икьаҿу ахьарԥш аиура
1920

Кара-Паго аул аҟны иааиуа аҵарашықәс ҿыц аламҭалаз ашколи ахәыҷ баҳчеи аадыртраны иҟоуп.

АҞӘА, жьҭаара 23 — Sputnik, Бадраҟ Аҩӡба. Аԥсны раԥхьатәи Ахада Владислав Арӡынба ихьӡ зху ашколи ахәыҷ баҳчеи аадыртраны иҟоуп 2016 шықәса рзы  Кара-Паго аул аҟны ҳәа ҳкорреспондент изааицҳаит Кара-Паго аул Ахада Руслан Копсергенов.

"Ҳаул аҟны ашколи ахәыҷ баҳчеи раартра хҭыс дуны иҟалоит, еиҳаракгьы Владислав Арӡынба ихьӡ ахьахыло азы", — иҳәеит Копсергенов.

Иара иажәақәа рыла, аргыларақәа ирҿуп уаанӡатәи апланқәа инарықәыршәаны.

2015 шықәса мшаԥымзазы Ҟарачы-Черқьесск даныҟаз, Аԥсны Ахада Рауль Ҳаџьымбеи Ҟарачы-Черқьессктәи Ареспублика Ахада Рашид Темерзови ареспубликаҟны  асоциалтә ҵак зманы иҟоу аргыларақәа ирҭааит. Урҭ рыгәҭа иҟан Кара-Паготәи ашколгьы.

Аԥсны раԥхьатәи Ахада Владислав Арӡынба игәалашәара иазкыз ахәылԥаз аҟны дықәгылауа Ҟарачы-Черқьессктәи Ареспублика Ахада Рашид Темерзов иҳәеит Кара-Паго аул аҟны зыргылара иаҿу ашкол Владислав Арӡынба ихьӡ ахырҵарц азы аӡбра шидикылаз.

"Ашколи ахәыҷ баҳчеи еицҵаны" 120-ҩык ашколхәыҷқәеи 40-ҩык ашколқәра иаҵанамкуа ахәыҷқәеи ашә рзаанартраны иҟоуп 2016 шықәса рзы.

Стройка школы в КЧР.
© Фото : предоставлено Фатимой Кабаловой
Стройка школы в КЧР.

Ихадоу атемақәа