05:12 21 Ԥхынгәы 2018
Ишиашоу ицо аефир
  • USD63.49
  • EUR73.93
Выставка работ абхазских художников на Роза-Хуторе

Аҧсуа сахьаҭыхыҩцәа рцәыргақәҵа Гәбаа дәы иаатит

© Sputnik Илона Хварцкия
Акультура
Икьаҿу ахьарԥш аиура
3710

Аҧсуа сахьаҭыхыҩцәа русумҭақәа Гәбаа дәы, акурорт "Роза-Хутор" аҟны ицәырган иахьа.

ШӘАЧА, ажь 25 – Sputnik, Бадраҟ Аҩӡба. Аҧсуа сахьаҭыхыҩцәа Адгәыр Ҧлиа, Маиана Ҵәыџьԥҳа, Адгәыр Амҧар русумҭақәа рцәыргақәҵа аартра аҳәынҭқарра акультуратә ҧсҭазаараҟны хра злоу хҭысуп, лҳәеит ацәыргақәҵа аиҿкааҩ, аҭҵаареи акультуреи рыҿиара иацхраауа Аҧсуа-аурыс фонд аҧҵаҩы БеллаАгрба Sputnik акорреспондент даниҿцәажәоз.

"Ас еиҧш иҟоу аусмҩаҧгатәқәа ирыбзоураны ҳтәыла акультура аӡыргара ҳалшоит. Ирацәаҩуп еиуеиҧшым атәылақәа рҟынтә ари аԥсшьарҭатә ҭыԥ иаҭаауа ауаа, уи хымԥада ҳкультура ӡыргарнагоит", – инаҵшьны иазгәалҭеит Агрба.

Ацәыргақәҵа алахәыла Адгәыр Амҧар иазгәеиҭеит иӡыргаз асахьақәа ишаадырҧшуа аҧсуа ҿыханҵа еиуеиҧшым ахырхарҭақәа шамоу.

"Даара интересуп, аусумҭақәа еиҳа академиатә, ареалтә, адекоративтә хырхарҭақәа змоу ахьыҟоу", – иазгәеиҭеит Амҧар.

Белла Агрба излалҳәо ала афонд Аҧсны анҭыҵ ас еиҧш иҟоу ахәылҧазқәа рымҩаҧгара ирыцнаҵалоит.

"Ҳара иҳалшап ҳәа сгәыӷуеит ас еиҧш иҟоу аусмҩаҧгатәқәа рырҭбаара, ҳгәы иҭоуп ашәҟәқәа риармарка, ҳаалыҵ ацәыргақәҵа уҳәа реиҿкаара", – лҳәеит Агрба.

Ацәыргақәҵа жәабран 15-нӡа иаартызаауеит.

  • Выставка абхазских художников на курорте Роза Хутор
    Акурорт "Роза-Хутор" аҟны ацәыргақәҵа аартра
    © Sputnik Илона Хварцкия
  • Выставка абхазских художников на курорте Роза Хутор
    Акурорт "Роза-Хутор" аҟны ацәыргақәҵа аартра
    © Sputnik Илона Хварцкия
  • Выставка абхазских художников на курорте Роза Хутор
    Акурорт "Роза-Хутор" аҟны ацәыргақәҵа аартра
    © Sputnik Илона Хварцкия
1 / 3
© Sputnik Илона Хварцкия
Акурорт "Роза-Хутор" аҟны ацәыргақәҵа аартра

Ихадоу атемақәа