Руслан Бебиа Аԥсны жәлар рартист ҳәа ахьӡ ихҵоуп

© Sputnik Томас ТхайцукРуслан Бебиа
Руслан Бебиа - Sputnik Аҧсны
Анапаҵаҩра
Жәлар рыкәашара аҳәынҭқарратә ансамбль "Шьараҭын" асахьаркыратә напхгаҩы, абалетмеистер хада Руслан Бебиа Аԥсны жәлар рартист ҳәа ахьӡ ихҵоуп.

АҞӘА, ԥхынгәы 16, Sputnik — Асҭанда Арӡынԥҳа. Аԥсны Ахада Рауль Ҳаџьымба иқәҵарала Жәлар рыкәашара аҳәынҭқарратә ансамбль "Шьараҭын" асахьаркыратә напхгаҩы, абалетмеистер хада Руслан Бебиа Аԥсны жәлар рартист ҳәа ахьӡ ду ихҵоуп. Абри атәы, ансамбль 45-шықәса ахыҵра иазкны Аԥснытәи аҳәынҭқарратә филармониаҟны имҩаԥысуаз аныҳәатә концерт алагамҭаз ирылалҳәеит Аԥсны Акультура аминистр Ельвира Арсалиаԥҳа.

"Сара сзы ари еиҳау ҳамҭа ыҟам. Даара сеигәырӷьоит. Зегьы сраҭабууеит", — иҳәеит Руслан Бебиа.

Аԥсны зҽаԥсазтәыз артист ҳәа аҳаҭыртә хьӡы иаԥсахеит Саида Гәлиаԥҳа, Руслан Кәарацхьелиа, Ирина Коӷониаԥҳа, Агнетта Лакрԥҳа, Асҭанда Марыхәԥҳа, Анри Цколиа, Руслан Цколиа, Беслан Чалмаз, Манучар Џьагаиа.

Ельвира Арсалиа: "Шьараҭын" акәашараҟны акультуратә ҭынха еиқәнархеит

Атәыла Ахада идныҳәаларатә шәҟәы даԥхьеит акультуразы Ахада иабжьгаҩ Владимир Занҭариа.

"Леон иорден занашьоу аҳәынҭқарратә ансамбль аиубилеи, ари аԥсуа хареографиа аҟын еиԥш иааидкыланы атәыла адоуҳатә культура зегь аҟнгьы аҵак ду зманы иҟоу хҭысуп. Ансамбль "Шьараҭын" аԥсуа жәлар ижәытәӡатәиу рыкәашарақәа еиҭашьақәнаргылеит", — ҳәа азгәаҭоуп атәыла Ахада иаашьҭымҭаҟны.

"Шьараҭын" аиубилеитә программаҟны ахәаԥшыҩцәа ирыднагалеит ансамбль арепертуар аҟынтәи еицырдыруа акәашарақәа реиԥш ақәгылара ҿыц "Акәымжәыуаа".

© Sputnik Томас ТхайцукШаратын.
1/5
Шаратын.
© Sputnik Томас ТхайцукШаратын.
Шаратын - Sputnik Аҧсны
2/5
Шаратын.
© Sputnik Томас ТхайцукЮбилей Шаратын.
3/5
Юбилей Шаратын.
© Sputnik Томас ТхайцукШаратын
Шаратын - Sputnik Аҧсны
4/5
Шаратын
© Sputnik Томас ТхайцукШаратын.
5/5
Шаратын.
1/5
Шаратын.
2/5
Шаратын.
3/5
Юбилей Шаратын.
4/5
Шаратын
5/5
Шаратын.

Аҳәынҭқарратә ансамбль "Шьараҭын" еиҿкаан 1970 шықәса рзы. Раԥхьатәи напхгаҩыс дыҟан еицырдыруа абалетмеистер Едуард Уаҳаид-иԥа Бебиа.

Ансамбль "Шьараҭын" инанагӡоит афольклортә, ақьабызтә, аритуал ҟазшьа змоу акәашарақәа. "Шьараҭын" арепертуар аҟны иҟоуп "Анхацәа рыкәашара", "Аҽыуаа", "Аҟармыгә-кәашара", "Нарҭаа рыкәашара" уҳәа убас егьырҭгьы.

Ансамбль иара убасгьы инанагӡоит Кавказ ажәларқәа рыкәашарақәагьы.

Ансамбль "Шьараҭын" Тунис имҩаԥысуаз Адунеизегьтәи XI Карфагентәи афестиваль аԥхьахә анашьоуп. Самсун ақалақь аҟны имҩаԥысуаз афольклортә кәашарақәа Жәларбжьаратәи рфестивальқәа хԥа рҟны ансамбль акәашацәа хынтәны аиааира ааргахьеит, Москватәи XII Жәларбжьаратәи афестиваль иадипломантцәахахьеит. Иара убасгьы

Алада Урыстәыла ақалалқьқәа рассоциациа жәлар рҟазара афестивальқәа ҩба ирдипломантцәоуп.

Ажәабжьқәа зегьы
0