Бзыԥ ақыҭан аӡӷаб хәыҷы ала лыцҳаит

© Sputnik / Павел Лисицын / Амедиаҵәахырҭахь аиасраВручение автомобилей скорой медицинской помощи учреждениям здравоохранения Свердловской области
Вручение автомобилей скорой медицинской помощи учреждениям здравоохранения Свердловской области - Sputnik Аҧсны
Анапаҵаҩра
Жә-шықәса зхыҵуаз, ала зыцҳаз аӡӷаб шәачатәи ахәышәтәырҭаҿы аоперациа лзыҟарҵеит.

АҞӘА, жәабран 11 – Sputnik. Ақәԥаражәла иаҵанакуа ала жә-шықәса зхыҵуа аӡӷаб илыцҳаит ҳәа аанацҳауеит Аԥсны аҩныҵҟатәи аусқәа рминистрра асаит.

"Ахҭыс ҟалеит жәабран 8 асааҭ 14:50 рзы Бзыԥ ақыҭа, Ешба имҩаҿы", - ҳәа аҩуеит аусбарҭа апресс-маҵзура.

Аӡӷаб лхы-лҿи лшьапи ала-ац иаганы иҟоуп. Лара шәачатәи ахәышәтәырҭахь днагоуп.

Гагратәи ацентртә хәышәтәырҭа хада аҳақьым хада Виачеслав Аргәын иажәақәа рыла, аӡӷаб аԥхьа уахь днаган. Иара ишиҳәо ала, ашколӡӷаб лашьеи лареи ргәылацәа рахь инеит. Ашҭаҿ ала аужьны иҭан. Ахәыҷқәа ала шырбаз еиԥш рышьҭахьҟа ишыхынҳәызгьы, иара ыҩны илышьҭалеит.

Изыхьӡаз аӡӷаб акыр иӷәӷәаны илыцҳаит.

"Ҳара ҳахь дшааргаҵәҟьаз, ацхыраара ласы ала Шәачаҟа ддәықәаҳҵеит. Ац-ҭыԥқәа лыԥсҭазаараз ишәарҭамызт, аха лыла аҭагылазаашьа шәарҭан. Лыла алашара або иҟаҵатәын", - иҳәоит иара.

Иара еиҭеиҳәеит шәачатәи ахәышәтәырҭаҿы аоперациа шылхылгаз, уажәазы анаркоз дшалҵхьоу. Лыла аиқәырхара рылшеит, аха ԥхьаҟазы акыр уашәшәырара аҵоуп.

Ажәабжьқәа зегьы
0