"Аҧсуа каприччио" Барселона иқәҩит

© flickr.comСобор Санта Мария дел Мар.
Собор Санта Мария дел Мар. - Sputnik Аҧсны
Анапаҵаҩра
Ауарӷанарҳәаҩы Лука Гаделиеи ашәаҳәаҩ Кристина Ешбеи Барселона ақалақь иқәгылеит иҳаҩсыз амҽыша абҵара 23 рзы.

АҞӘА, абҵ 24 – Sputnik, Бадраҟ Аҩӡба. Ауарӷанарҳәаҩы Лука Гаделиеи Аҳәынҭқарратә филармониа асолистка Кристина Ешԥҳаи Барселона ақалақь Ацқьа Мариа луахәама аҟны аконцерт мҩаҧыргеит, абри атәы Sputnik иазааицҳаит Лука Гаделиа.

Аконцерттә программа шьақәгылан барокко ахаантәи авторцәа Бах, Гендель, Бонне рырҿиамҭақәа реиҧш, Аҧсны амилаҭтә мелодиақәа рылагьы. Убас, азыӡырҩцәа ирызнаган Лука Гаделиа аус здиулаз "Амҳаџьыраа ргарашәа", "Аҧсны агимн", "Ахрашәа" уҳәа амелодиақәа еидызкылаз "Аҧсуа каприччио".

"Аҧсны анҭыҵ ақәгылара сара сзы еснагь агәыхыҭхыҭра ацуп, избанзар сахьыҟазаалак аҧсуа культура ҳаракны иаасырԥшыр сҭахуп", — иҳәеит Лука Гаделиа. Иара убас, уи еиҭеиҳәеит аорӷантә культура Барселона ишаҳараку.

 

"Ауарӷантә культура Барселона акыр иҳаракуп, хыҧхьаӡара рацәала аинструмент ҿыцқәа ҟарҵоит, аҭоурыхтә ҵакы змоу еиҭашьақәдыргылоит", — иациҵеит иара.

Ацқьа Мариа луахәама аҭоурых ду амоуп, уаҟа ауп раԥхьатәи лшьаҿақәа ахьыҟалҵоз анаҩс адунеи зыхьӡ ахыҵәаз Монсеррат Кабалье.

Аконцерттә программа анаҩс, Аҧснытәи асасцәа рзы еиҿкаан акультуратә программагьы. Убас, урҭ аҭааны ирбеит Бенедектертәи ауахәама.

Лука Гаделиеи Кристина Ешԥҳаи Барселона рықәгылара алыршахеит Каталониа иҟанаҵаз ааҧхьареи Аҧсны акультура аминистрра иҟанаҵаз адгылареи рыла.

Барселона ақәгылара ашьҭахь, Лука Гаделиеи Кристина Ешбеи ааигәатәи рыгәҭакқәа иреиуоуп Москва Иҧшьоу Петри Павели рлиутерантә уахәамаҿы ақәгылара. 

Ажәабжьқәа зегьы
0