Амузыкантцәа хәыҷқәа злахәыз агәыҳалалратә концерт мҩаԥысит Аҟәа

© Sputnik Томас ТхайцукАмузыкант хәыҷқәа злахәыз агәыҳалалратә концерт мҩаԥысит Аҟәа
Амузыкант хәыҷқәа злахәыз агәыҳалалратә концерт мҩаԥысит Аҟәа - Sputnik Аҧсны
Анапаҵаҩра
Амузыкантцәа хәыҷқәа злахәыз аклассикатә агәыҳалалратә концерт "Ахәыҷқәа ахәыҷқәа рзы" раԥхьаӡакәны Аԥсны имҩаԥысит.

АҞӘА, ԥхҷ 6 – Sputnik, Бадраҟ Аҩӡба. Амузыкантцәа хәыҷқәа злахәыз аклассикатә агәыҳалалратә концерт "Ахәыҷқәа ахәыҷқәа рзы" раԥхьаӡакәны Ражден Гәымба ихьӡ зху Аԥснытәи аҳәынҭқарратә филармониаҿы  имҩаԥысит.

"Амузыкантцәа хәыҷқәа агәыҳалалратә концерт аҟны рықәгылара алшара ҟанаҵоит рҟазара азыӡырҩцәа рҟынӡа анагара инаҷыданы, ахәшәтәра зҭаху ахәыҷқәа рыцхраара", — лҳәеит Аҟәатәи аҳәынҭқарратә музыкатә ҵараиурҭа аиҳабы Нинель Бжьаниа.

Аконцерт аҟны азыӡырҩцәа ирыдгылан адунеи аклассикатә музыка акомпозиторцәа Гендель, Шуберт, Вивальди уҳәа рмузыка, иара убас, аԥсуа композиторцәа русумҭақәа.

Агәыҳалалратә концерт аҟны еизган 151 нызқь мааҭ, урҭ ичмазаҩу ахәыҷқәа рыхәшәтәрахь ишьҭхоит.

Агәыҳалалратә концерт "Ахәыҷқәа ахәыҷқәа рзы" есышықәса имҩаԥгалахоит.

 

 

Ажәабжьқәа зегьы
0