Аԥсны аԥыза-министр дахьҭахаз амҩатә машәыр зхароу ҩымз ҳәа дҭакуп

© Sputnik предоставлено Сарией КварацхелияФото с места ДТП, в результате которого погиб премьер-министр Абхазии Геннадий Гагулия
Фото с места ДТП, в результате которого погиб премьер-министр Абхазии Геннадий Гагулия - Sputnik Аҧсны
Анапаҵаҩра
Аԥсны аԥыза-министр Геннади Гагәылиа Шьамтәыла официалтә ныҟәарала иҟаз аԥсуа делегациа далахәын. Шәачатәи аҳаирбаӷәаза аҟынтәи Аԥсныҟа амҩа иқәыз аиҳабыратә кортеж амҩатә машәыр ианиеит цәыббра 8 ауха. Геннади Гагәылиа иоуз аахақәа ирыхҟьаны иԥсҭазаара далҵит.

АҞӘА, цәыббра 12 – Sputnik, Бадраҟ Аҩӡба. Амҩатә машәыр зымпыҵҟьаз, автомашьына ВАЗ-21099 аԥсҟы зкыз Ҳаџьараҭ Ҭарсман ҩымз ҳәа дҭакуп иҳәеит Аԥсны апрокурор хада ицхырааҩ Даур Амҷба.

"Иацы ашьаус ашьаусҭҵааратә усбарҭахь ирыҭан Гәдоуҭатәи араионтә усбарҭаҟынтәи. Ашьаусҭҵаара идикылеит Апрокуратура хада ашьаусҭҵааратә усбарҭа аусҭҵааҩ еиҳабы. Иахьа азыҳәа наҳашьҭит Ҭарсман ҩымз ҳәа иҭакразы. Аӡбарҭа уи иақәшаҳаҭхеит", — иҳәеит иара.

Геннадий Гагулия - Sputnik Аҧсны
Лев Амыҷба: Геннади Гагәылиа аџьбарареи, аразреи иныԥшуан

Ҭарсман ҩымз ҳәа дҭакуп. Абри аамҭа иалагӡаны аус аҭҵаара мҩаԥгахоит.

"Иара ихара мап ацәикуам, амҩатә ныҟәара аԥҟарақәа шеилеигаз дақәшаҳаҭуп", — ҳәа азгәеиҭеит Амҷба.

Ашьаус хацыркуп Аԥсны ашьаустә закәанеидкыла ахәҭаҷ 263 инақәыршәаны.

Аԥсны Аԥыза-министр Геннади Гагәылиа Шьамтәыла официалла иаҭааны иҟаз аԥсуа делегациа далахәын. Шәачатәи аҳаирбаӷәаза аҟынтәи Аԥсныҟа амҩа иқәыз аиҳабыратә кортеж амҩатә машәыр ианиеит цәыббра 8 ауха. Геннади Гагәылиа иоуз аахақәа ирыхҟьаны иԥсҭазаара далҵит.

Ажәабжьқәа зегьы
0