Микрофон  - Sputnik Аҧсны
Арадио

Нарҭдырреи адәынтәи афольклорҭҵаареи рцентр иахыҵит хәышықәса

© Sputnik / Томас ТхайцукЗураб Джапуа и Эсма Тодуа
Зураб Джапуа и Эсма Тодуа - Sputnik Аҧсны
Анапаҵаҩра
2011 шықәсазы Аԥснытәи аҳәынҭқарратә университет аҟны иаартын Нарҭдырреи адәынтәи афольклорҭҵаареи рцентр. Ацентр аартра зыбзоуроуи, ахыкқәеи, хәышықәса ирылгаӡаны иҟарҵахьоу ауснагӡатәқәа Sputnik Аԥсны арадиостудиа аҟны иалацәажәеит ацентр ахантәаҩы Зураб Џьапуеи, ацентр аҭҵааратә усзуҩ Есма Тодуаԥҳаи.

Нарҭдырреи адәынтәи афольклорҭҵаареи рцентр аартын хәышықәса раԥхьа Аԥснытәи аҳәынҭқарратә университет аҟны. Ацентр адиректор Зураб Џьапуа иажәақәа рыла, ацентр аартра аидеиа рымеишьҭеи акыр шықәса ҵуан. Ахықәкы анагӡара аларшахеит Аԥсны аҩбатәи ахада Сергеи  Багаԥшь ицхыраара иабзоураны. 

Аҧсны Аҭҵаарадыррақәа Ракадемиа ахада Зураб Џьапуеи, аҭҵааратә усзуҩ Есма Тодуаԥҳаи иазааҭгылеит Нарҭдырреи адәынтәи афольклорҭҵаареи рцентр аусушьа атәы

Ацентр ҭҵаарадырратә шьаҭас иаиуит аҧсуа нарҭтә епос томрацәала аҭыжьра азырхиаразы еизгаз атекстқәа, ААУ афилологиатә факультет астудентцәа ранҵамҭақәеи, Ҭырқәтәыла инхо аҧсуаа рҿы еизгаз аматериалқәеи.  

Ацентр шьақәгылоуп быжьҩык аусзуҩцәа рыла: Ацентр аиҿкаара аҧшьызгаз, директорс дамоуп афилологиатә ҭҵаарақәа рдоктор, ААР академик  Зураб Џьапуа, адиректор ихаҭыҧуаҩ Адгәыр Какоба, аҭҵаратә усзуҩы еиҳабы, аҭҵааратә ҭҵаарадыррақәа ркандидат, адоцент Сима  Ҭарба, аҭҵаарадырратә усзуҩцәа: Наала Барцыцԥҳа, Есма Ҭодуаԥҳа, Саида Ҳаџьым, алабарант еиҳабы Мадонна Ԥлиаԥҳа.

Ажәабжьқәа зегьы
0