Аԥснытәи аҳәынҭқарратә музеи аиҳабы Аркади Џьапуа иажәақәа рыла, ари аконференциа ес-шықәса имҩаԥысуеит, амузеи аусзуҩцәа алахәуп аҩбатәи аизара аахыс.
Инеиҵыху аиҿцәажәара шәаԥхьар ҟалоит абра
"Хара ҳзы ихадоу, аконференциа ус баша аҽалархәра акәӡам, Филицин ихьӡ зху амузеи- аҳәырԥссара зымҽхак ҭбаау акакәны иҟоуп. Ҳаизарақәа ирылҵшәахеит, иҟаҳҵаз ҳажәахәқәа ирҭбааны, асахьақәа ацҵаны иҭыжьхоит. Уи ашәҟәы аҵарауаа рнапаҿы ирыҭахоит аабатәи Жәларбжьаратәи аконференциаҿы", — ҳәа азгәеиҭеит Џьапуа.
Аркади Џьапуа Жәларбжьаратәи археологиатә конференциа алҵшәақәа дырзааҭгылеит
Ари аконференциа еиднакылеит Венгриантәи, Румыниантәи, Урыстәылантәи кавказҭҵааҩцәа.
