Микрофон  - Sputnik Аҧсны
Арадио

Арухаа: ҳконцертқәа рыла ажәлар ҳарлахҿыхып ҳәа ҳгәы иҭоуп

© SputnikДинис Арухаа
Динис Арухаа - Sputnik Аҧсны
Анапаҵаҩра
Абҵара 14 рзы асааҭ 16:00 Очамчыра имҩаԥысуеит Оҭар Хәынҵариа ихьӡ зху жәлар ринструментқәа рыла ишьақәгылоу аоркестр аконцерт, уи акультура аминистрра ишьақәнаргылаз аплан ала иазгәаҭоуп, абри атәы иҳәеит арадио Sputnik аефир аҿы аоркестр асахьаркыратә напхгаҩы Денис Арухаа.
Арухаа: ҳконцертқәа рыла ажәлар ҳарлахҿыхып ҳәа ҳгәы иҭоуп

"Аконцерт акультура аминистрра ишьақәнаргылаз аплан ала имҩаԥаагоит.  Иара убас, ԥхынҷкәын 3 рзы иазгәаҭоуп Пицунда ҳақәгылара. Иазгәаҭатәуп, аконцертқәа ахьымҩаԥаагац ҳажәлар даара ргәы иаахәаны ишрыдыркыло, ас еиԥш аоркестр аҟазаара ибзиоуп ҳәа зегьы иазырыԥхьаӡоит. Ҳапрограммагьы анхацәа хәыҷык иарлахҿыхып ҳәа ишьақәыргылан иҳамоуп. Ҳарҭгьы артистцәа раҳасабала, даара ҳгәы иаахәоит. Сгәы иаанагоит ҳазҿу арҿиара аус иацаҳҵап ҳәа, избанзар, уи ргәаԥхоит ахәаԥшцәагьы, ҳаргьы бзиа баны ҳаҿуп", — ҳәа азгәеиҭеит Арухаа.

Абҵара 14 рзы асааҭ 16:00 Очамчыра имҩаԥысуеит Оҭар Хәынҵариа ихьӡ зху жәлар ринструментқәа рыла ишьақәгылоу аоркестр аконцерт.

Ажәабжьқәа зегьы
0