09:50 18 Нанҳәа 2019
Ишиашоу ицо аефир
  • USD66.00
  • EUR73.22
© Foto / предоставлено Астамуром Асландзия

Асланӡиа: Егры аӡиас ала аҳәаа аартуп, уи иахысуа аҳақьымцәа игәарҭоит

Арадио
Икьаҿу ахьарԥш аиура
64 0 0

Егры аӡиас ала Аԥсны Қырҭтәылеи рҳәаа ахысра иахьазы ишыҟоу далацәажәеит Гал араион ахада ихаҭыԥуаҩ Асҭамыр Асланӡиа.

"Егры аӡиас ала аҳәынҭқарратә ҳәаа аркра азҵаара зыӡбо араион ахадара ракәӡам, Аԥсны ашәарҭадаратә маҵзура ақәҵара ала ауп. Дара, иахьынӡаҳдыруа ала, изықәныҟәоз асанитартә-епидимиологиатә маҵзура ирыдыркылаз аӡбамҭоуп. Уи зыдҳәалаз агәыларатә ҳәынҭқарраҟны агрипп чымазара ҿкы азы иҟоу аҭагылазаашьа ауп. Иазгәасҭар сҭахуп аҳәаа зынӡа иаркын ҳәа аҳәара иашамзар ҟалап ҳәа, избанзар афымцастанциа аусзуҩцәа уи ахысра азин рыман, иара убас ачымазаҩцәа аҳақьымцәа рҟынтәи ақьаад змаз, аҵаразы наҟ инханы иҟаз, ҳраион иқәынхо Қырҭтәылаҟа иҟаз арахь аара азин рыман", - иҳәеит Асланӡиа.

Инеиҵыху аицәажәара шәазыӡырҩыр шәылшоит арадио Sputnik Аԥсны аефир аҿы.

Жәабран хәба инаркны Егры аӡиас ала аҳәынҭқарратә ҳәаа аартуп хәымш ҳәа. Аҳәа агрипп ҳәа изышьҭоу ачымазара ҿкы азы Қырҭтәыла аҭагылазаашьа цәгьахар, аҳәаа аҟны акарантин инамаданы уаанӡа ишыҟаз еиԥш ахысра иаҳа иуадаҩхоит ҳәа азгәеиҭеит Асҭамыр Асланӡиа. Аҳәаа иахысуа рыбжьара ачымазара ҿкы рымоу-ирымаму аилкааразы аҭыԥаҟны агәаҭара мҩаԥыргоит аҳақьымцәа.

Ихадоу атемақәа

  • Аԥсуаа наџьнатә аахыс ирыман ажәаҳәара атрадициа дуқәа. Уи лымкаала рҵеицәа ирыларааӡон. Аԥсуаҭҵааратә институт аетнологиа аҟәша аҭҵаарадырратә усзуҩ Марина Барцыцԥҳа иҳадылгалоит ари аҟазара ҳажәлар рҿы знеишьас, чыдарақәас иамаз, иахьатәи аамҭазы тенденциас изну.

    33
  • Нестор Лакоба сасра дыззаауаз анхаҩ нага, зеиԥшыҟамыз ашәарыцаҩ, Бзыԥҭа аҳаблан ҳаҭыр ду зқәыз, зажәа ҟәышыз, ажәлар ззыӡырҩуаз, аха 37-тәи ашықәс еиқәаҵәақәа раан харада ахара зыдҵаны идырӡыз Маҳҭы Ислам-иԥа Бениа (Кьахьыриԥа) иҭоурых дазааҭгылеит иашьа иԥа имоҭа Беслан Бениа.

    171
  • Иҟоума даҽа ҳәынҭқаррак рхада ртәыла агәы злеисуа абызшәа изымдыруа? Далырхуама уи иҩыза, хшыҩла дкәадамзаргьы? Ауаажәларра рыбжьара агәынамӡара зызцәырнагаз акандидатцәа злахәыз аефиртә аамҭа аԥҟарақәа еиҭакрақәас ԥхьаҟа ирылагалатәузеи? Абарҭ азҵаарақәа дрылацәажәоит Sputnik аколумнист Елеонора Коӷониаԥҳа.

    57