10:13 24 Хәажәкыра 2019
Ишиашоу ицо аефир
  • USD63.77
  • EUR72.59
Владимир Аҩӡба
© Sputnik

Аҩӡба Ҭырқәтәыла Аԥсны ахаҭарнакразы: иҟалап аартра маҷк ҳагхазаргьы

Арадио
Икьаҿу ахьарԥш аиура
131 0 0

Аԥсны ахаҭарнакс Ҭырқәтәыла ҩажәа шықәса инарзынаԥшуа иҟаз Владимир Аҩӡба арадио Sputnik аефир аҟны дазааҭгылеит ҳҳәынҭқарра ахаҭарнакра уаҟа аартра аҵакы.

25 шықәса раԥхьа хәажәкыра 1, 1994 шықәсазы Ҭырқәтәыла аҳҭнықалақь Сҭампыл аусура иалагеит Аԥсны Ахаҭарнакра.

"Кавказынтә аԥсуа хаҭарнакра Ҭырқәтәыла ииуеит ҳәа раԥхьа ажәабжь иназгаз ажәҵыс сара сакәын. Уи уадаҩын. Абри аус бҩас иамаз аԥсуа интеллигенциа, анхацәа, адинуаа зегьы реидкылара сымпыҵаманшәалахеит. Даргьы ргәы азыҳәон, ауаҩы дырҭахын. Сара исыбзоуроуп сҳәаӡом, аха снеиаанӡа, Ҭырқәтәыла аԥсуаа нхома, Аԥсынтәыла ҳәа акыр ыҟоума уҳәа рхабарқәа маҷӡан. Абри азҵаара аԥсы ахасҵеит», - иҳәеит Аҩӡба.

Иара иазгәеиҭеит уаҟа инхоз ҳауаажәлар рхаҭарнакцәа аӡәырҩы рыхдырра арҿыхара ишацхрааз уи атәылаҟны аԥсуа хаҭарнакра аартра.

"Ҭырқәтәыла инхо ҳашьцәа аҭырқәара иаламӡҩарацы абри ахаҭарнакра аартра маҷк иагхазаргьы ҟалап. Ҳажәлар аиаша рдыруазар ахәҭан. Аԥсны ҳәа акгьы ыҟаӡам ҳәа акәын ирарҳәоз. Официалла иҭыҵуа аенциклопедиаҟны сыла иабеит аԥсуаа Аԥсынтәыла хә-нызқьҩык раҟара нхоит, дара урҭгьы рбызшәа рыздырӡом ҳәа ишаныз. Абас ииашамкәа адырра рырҭон, уи аҭырқәа иус иацныҟәон. Иахьагьы аҭырқәа деигәырӷьаӡом аԥсуа хаҭарнакра официалла Ҭырқәтәыла иахьыҟоу, аус ахьауа. Аргама исарҳәеит ажәлар Аԥсныҟа ицаразы агитациа ҟасымҵаларц", - иҳәеит Аҩӡба.

Иара иазгәеиҭеит Ҭырқәтәыла Аԥсны ахаҭарнакра ишахәҭоу аус азур, аԥеиԥш ду шамоу, ҳҳәынҭқарра ашьақәгәыларазы ишхадаратәу ҳдиаспореи ҳареи ҳаимадара, аҿар Аԥсныҟа рхьарԥшра.

Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Ихадоу атемақәа

  • Тото Аџьапуа

    Аԥсны Жәлар рартист, "Ахьӡ-Аԥша" аорден III аҩаӡареи Леон иордени занашьоу, Д.И. Гәлиа ихьӡ зху Аҳәынҭқарратә премиа алауреат, СССР Акомпозиторцәа реидгыла алахәыла Тото Аџьапуа 80 шықәса ихыҵит. Аҟазараҿы раԥхьатәи ишьаҿақәа игәаларшәо, иара дрыхцәажәеит аԥсуа ашәа агәыбылра изыркыз аҭагылазаашьеи ауааи, насгьы иҳәеит ҳаамҭазтәи аԥсуа ашәақәа рҵыхәала игәы иаанаго.

    53
  • Еркәыт Аӡынба

    Ҭырқәтәылантәи шықәсқәак раԥхьа зҭоурыхтә ԥсадгьыл ахь нхара ҳәа иааз Еркәыт Аӡынба игәҭахәыцрақәа.

    152
  • Анна Сангулия

    "Ашацәа изыршаз ала дымҩасит", "изыԥҵәоу аамҭа", "игәахәтәы дахьымӡеит" - абас рҳәоит аԥсуаа ауаҩы илахьынҵазы. Аԥсуаҭҵааратә институт аетнологиеи антропологиеи рыҟәша аҭҵаарадырратә усзуҩ, ААУ адоцент Марина Барцыцԥҳа дазааҭгылоит аԥсуаа ртрадициатә дунеидкылашьаҿы ауахҭа ишазыҟоу.

    64